De conformidade co establecido no artigo 49.9 dos estatutos do Colexio Oficial de Protésicos Dentais de Galicia, aprobados mediante o Decreto Galego 304/2008, do 9 de outubro, faise público o contido da acta de proclamación da candidatura electa, para a reelección dos cargos da Xunta de Goberno, formalizada o pasado 25 de marzo de 2017.

Os que subscriben, presidente, secretario e vogal da Xunta Electoral, das eleccións á Xunta de Goberno do Colexio Oficial de Protésicos Dentais de Galicia, en cumprimento do establecido no artigo 49.9 dos estatutos, certifican:

Que por acordo adoptado polo Pleno da Xunta de Goberno con data do 16 de decembro de 2016 se procedeu á convocatoria de eleccións fixando como día para a celebración destas o día 25 de marzo de 2017.

Que na convocatoria de eleccións se observaron todos os requisitos legais que a celebración destas exixe, como son: a publicidade destas, elección dos membros da Xunta Electoral, exposición do censo, prazos de presentación de impugnacións, etc.

Finalizado o prazo de presentación de candidaturas con data do 25 de febreiro, tan só foi presentada unha única candidatura. Mediante acordo da Xunta Electoral, con data do 27 de febreiro, aprobouse a proclamación da única candidatura presentada, acordando, así mesmo, a omisión da realización dos comicios fixados para o día 25 de marzo de 2017.

A teor do exposto e considerando que só foi presentada unha única candidatura e dado que esta cumpre as condiciones requiridas, chegada a data fixada no seu día para as eleccións, procédese a proclamar a única candidatura presentada como electa, quedando constituída a nova Xunta de Goberno do Colexio Oficial de Protésicos Dentais de Galicia como segue:

Titulares:

Presidente: Avelino J. Samartín Caamaño

Vicepresidente: Miguel Ángel Rodríguez Ramos

Secretario: José Ramón Rey Álvarez

Tesoureiro: José Antonio Casal Cid

Poñente de Cultura: José Luis Darriba Castiñeiras

Vogal 1º: María Alicia Rodríguez Díaz

Vogal 2º: Belén Martínez Troncoso

Vogal 3º: José Caamaño Martínez

Vogal 4º: José María Casais Castreje

Os membros da Xunta Electoral, transcorridos os prazos de impugnación, se os houber, cesarán automaticamente nas súas funcións.

Segundo o disposto no artigo 49.9 publicarase o resultado das eleccións no Diario Oficial de Galicia (DOG) con carácter de urxencia.

E para que produza os efectos oportunos expídese a presente certificación, asinada polos membros da Xunta Electoral, en Santiago de Compostela o 25 de marzo do 2017. Asinado: presidente: Pablo Ripoll Cabello; secretario: Manuel Pérez Souto; vogal: Juan José Bugallo Gardón.

Santiago de Compostela, 25 de marzo de 2017

Pablo Ripoll Cabello
Presidente da Xunta Electoral