Aprobado inicialmente, por Acordo do Pleno da Corporación do 22 de febreiro de 2017, o proxecto de modificación puntual do Plan xeral de ordenación municipal deste concello, denominada modificación de aliñacións e espazos públicos asociados a dotacións e equipamentos nos núcleos de San Fins de Sales, Santa Cruz de Ribadulla, Tomonde, O Coto e San Pedro de Sarandón, neste termo municipal, que afecta diversos ámbitos, nos termos do proxecto redactado por Fermín González Blanco en calidade de arquitecto e, de conformidade cos artigos 60 e 83 da Lei 2/2016, do 2 de febreiro, do solo de Galicia, sométese a información pública polo prazo de dous meses mediante anuncios que se publicarán no Diario Oficial de Galicia en nun dos xornais de maior difusión da provincia.
Durante o mencionado prazo, que empezará a contarse desde a publicación deste anuncio no Diario Oficial de Galicia, o expediente tramitado poderá ser examinado por calquera interesado nas dependencias municipais para que se formulen, de ser o caso, as alegacións que se consideren pertinentes.
Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente.
Vedra, 17 de marzo de 2017
Carlos Martínez Carrillo
Alcalde