Expediente: IN407A 2017/031.
Solicitante: Unión Fenosa Distribución, S.A.
Denominación: recuamento LMT CRN-707A derivada a CT Ansede.
Concello: Narón.
Características técnicas:
Tramo de liña eléctrica de media tensión aérea CRN-707A (actuación nº 1), a 15 kV, cunha lonxitude de 0,302 km, coa orixe en apoio nº D-10 existente dobre circuíto que forman as liñas CRN-704B e CRN-707A, onde se realiza a derivación aos centros de transformación de Ansede (expediente 30.010) e Agras (expediente 99/98), condutor tipo LA-56 mm2, e final no apoio nº 10-5 proxectado, que substitúe o existente da LMT CRN-707A, no tramo entre a derivada ao CT Agras e o CT Ansede.
Tramo de liña eléctrica de media tensión aérea CRN-707A (actuación nº 2), a 15 kV, cunha lonxitude de 0,016 km, coa orixe en apoio nº 10-1 proxectado que substitúe o existente da LMT CRN-707A, onde se realiza a derivación ao CT Agras, condutor LA-56 mm2, e final no CT Agras.
Liña eléctrica de media tensión subterránea, a 15 kV, cunha lonxitude de 0,088 km, coa orixe no paso aéreo a subterráneo para realizar no apoio nº 10-5 proxectado que substitúe o existente da LMT CRN-707A, no tramo entre a derivada ao CT Agras e o CT Ansede, condutor tipo RHZ1-2OL 12/20 kV 1×240 mm2 AI, e final no CT Ansede.
Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Resolución do 19 de febreiro de 2014, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).
– Lei do 16 de decembro de 1954, sobre expropiación forzosa (BOE núm. 351, do 17 de decembro).
– Decreto do 26 de abril de 1957, polo que se aproba o regulamento da Lei de expropiación forzosa (BOE núm. 160, do 20 de xuño).
A relación concreta e individualizada dos bens e dereitos afectados que se considera de necesaria expropiación figuran no anexo que se acompaña a este acordo.
A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa.
Todas aquelas persoas ou entidades que se consideren afectadas poderán examinar o expediente e presentar alegacións no Servizo de Enerxía e Minas da Xefatura Territorial de Economía, Emprego e Industria, sita na rúa Vicente Ferrer, 2, 2ª planta, 15071 A Coruña, no prazo de vinte días, a partir do día seguinte ao da última publicación deste acordo.
Así mesmo, para dar cumprimento ao disposto no artigo 44 da Lei 39/2015, do 1 de outubro, cando as persoas propietarias ou titulares de dereitos sobre os predios afectados sexan descoñecidos, se ignore o lugar de notificación ou ben, intentada esta, non se puidese practicar, a notificación farase por medio dun anuncio publicado no Boletín Oficial del Estado.
A Coruña, 15 de marzo de 2017
Isidoro Martínez Arca
Xefe territorial da Coruña
Anexo
Expediente: IN407A 2017/031.
Solicitante: Unión Fenosa Distribución, S.A.
Denominación: recuamento LMT CRN-707A derivada a CT Ansede.
Concello: Narón.
Relación de propietarios, bens e dereitos afectados:
Número do predio: 1.
Lugar: Ansede.
Cultivo: prado.
Propietarios: Purificación Sanmartín Vázquez e Victoria e Antonio Grueiro Sanmartín.
Afección de solo en pleno dominio: apoio número 2-2.0 m2.