Antecedentes.

A Lei 8/2013, de estradas de Galicia, determina no seu artigo 6.2 que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta de Galicia elaborou a Estratexia en materia de mobilidade alternativa de Galicia. Os obxectivos da dita estratexia son o desenvolvemento duns sistemas de transporte alternativos que reduzan ao mínimo as repercusións sobre o ambiente e os seus impactos sociais e económicos.

Os beneficios esperados co fomento desta mobilidade alternativa son, entre outros, o emprego de modos de transporte non motorizados, a mellora da mobilidade, da calidade do aire, da saúde, da igualdade e benestar, da economía, do patrimonio e do urbanismo.

Con data do 7 de marzo de 2016, a Axencia Galega de Infraestruturas aprobou, con base na Estratexia en materia de mobilidade alternativa de Galicia, o documento Fomento da mobilidade sustentable: sendas peonís e/ou ciclistas na comarca de Santiago, onde unha das sendas propostas é un itinerario peonil e ciclista na AC-543, que agora se está a desenvolver mediante o proxecto construtivo do itinerario peonil e ciclista na AC-543, treito: Roxos-Aldea Nova, p.q. 4+150 ao 5+040, de clave: AC/16/086.06.

Por todo isto, mediante Resolución da Axencia Galega de Infraestruturas do 27 de marzo de 2017, aprobouse provisionalmente o proxecto de construción do itinerario peonil e ciclista na AC-543, treito: Roxos-Aldea Nova, p.q. 4+150 ao 5+040, de clave: AC/16/086.06.

Este proxecto ten por obxecto fomentar a mobilidade alternativa e acadar unha diminución do tráfico rodado motorizado que actualmente existe entre os lugares de Roxos e Aldea Nova, de xeito que a poboación destes núcleos empregue a senda peonil para os seus desprazamentos cotiás en lugar do vehículo particular, contribuíndo deste xeito a unha redución das emisións de carbono, ao mesmo tempo que se acada unha mellora da seguridade viaria neste treito da estrada AC-543.

Executarase así unha senda mixta (peonil e ciclista) de formigón coloreado, que conectará os lugares de Roxos e Aldea Nova, nos cales xa se conta con beirarrúas, configurarase así un itinerario continuo ao longo dos primeiros quilómetros da estrada AC-543. Esta senda terá un ancho variable, en función do espazo dispoñible, pero en ningún caso inferior a 2 m, e irá separada da calzada por unha zona verde de ancho medio 0,9 m (agás naquelas zonas onde non hai espazo) e un bordo de formigón.

As obras previstas comprenden tamén as seguintes actuacións, todas elas necesarias e imprescindibles para garantir a funcionalidade da senda executada:

– Ampliación da sección transversal para albergar os novos elementos que pasarán a formar parte da nova plataforma, de xeito que será preciso realizar pequenos desmontes para obter o ancho óptimo para a senda.

– Mellora da drenaxe, sinalización, balizamento e defensas, así como a reposición de servizos.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, o proxecto de construción sométese ao trámite de información pública, durante un período de trinta días hábiles, contados a partir do seguinte ao da publicación deste anuncio no Diario Oficial de Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Que simultaneamente ao trámite sinalado no parágrafo anterior e para os efectos previstos no artigo 56.1 do Regulamento de expropiación forzosa, se someta á información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano s/n, 15781 Santiago de Compostela), no Servizo da Delegación Provincial da Coruña (r/ Vicente Ferrer 2, 15008 A Coruña), na Casa do Concello de Santiago de Compostela (Pazo de Raxoi, praza do Obradoiro, 15705 Santiago de Compostela) e na Casa do Concello de Ames (praza do Concello 2, 15220 Bertamiráns, A Coruña). Así mesmo, na páxina web da Consellería de Infraestruturas e Vivenda (http://civ.xunta.gal/seccion-organizacion/c/CIV_Axencia_Galega_de_Infraestruturas)está á disposición dos interesados o documento completo do proxecto de construción.

Santiago de Compostela, 27 de marzo de 2017

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Proxecto de construción: itinerario peonil e ciclista na AC-543.

Treito: Roxos-Aldea Nova, p.q. 4+150 ao 5+040.

Clave: AC/16/086.06.

Núm. predio	Ref. catastral	Titular	Concello	Parroquia	Solo urbanizable	Destino	Solo rústico	Total m2
1	000100100NH34E	Gasolinas Lubrificantes Repuestos, S.A.	Santiago de Compostela	Villestro		Monte	198,05	198,05
2	15079A26100207	Martelo Villaverde, Enrique (herdeiros de)	Santiago de Compostela	Villestro		Monte	6,21	6,21
3	0664580NH3406S	Caamaño Pose, José	Ames	Ortoño	108	Prado		108
4	0663302NH3406S	Mahía Inmobiliaria, S.L.	Ames	Ortoño	4,44	Prado		4,44
5	0663303NH3406S	En investigación, artigo 47 da Lei 33/2003	Ames	Ortoño	9,23	Prado		9,23
6	0663304NH3406S	Rodeiro García, J. Antonio	Ames	Ortoño	10,15	Prado		10,15
7	0663305NH3406S	Reinoso Pazos, M. Nieves	Ames	Ortoño	8,57	Prado		8,57
8	0663306NH2406S	Pías Rodríguez, Víctor	Ames	Ortoño	11	Prado		11