De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícanselles ás persoas relacionadas no anexo os actos que se indican, despois de que fosen devoltos polo servizo de Correos por resultaren descoñecidos os seus destinatarios ou porque, intentadas dúas veces as notificacións, estas non se puideron efectuar.

Segundo se establece no artigo 46 da citada lei, os interesados dispoñen dun prazo de dez (10) días, contados a partir do seguinte ao da publicación deste anuncio no Boletín Oficial del Estado, para examinar estes actos na sede desta xefatura territorial, situada na rúa Fernández Ladreda 43-4ª planta de Pontevedra, das 9.00 ás 14.00 horas, de luns a venres.

Os actos foron adoptados por quen se indica no anexo.

Transcorrido o devandito prazo sen efectuarse a comparecencia, a notificación entenderase producida desde o día seguinte ao da súa publicación no Boletín Oficial del Estado.

Pontevedra, 3 de abril de 2017

José Manuel González González
Xefe territorial de Pontevedra

ANEXO

Expediente	Interesado	Acto notificado	Acto adoptado
CON-PO-0335/2016	Juan Gil Ríos	Resolución	Polo xefe territorial
CON-PO-0013/2017	Esther Gil Juanmiguel	Proposta	Pola instrutora
CAZ-PO-0058/2016	Sociedade de Caza e Pesca Lalín	Proposta	Pola instrutora