Convocada por Resolución do 16 de decembro de 2016 (DOG núm. 2, do 3 de xaneiro de 2017), a provisión dun posto de xefe/a do Servizo de Atención Primaria, esta xerencia, en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, a Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde, e o Decreto 168/2010, polo que se establece a estrutura organizativa de Xestión Integrada do Servizo Galego de Saúde,

RESOLVE:

Primeiro. Resolver a convocatoria pública para a provisión dun posto de xefe/a do Servizo de Atención Primaria, convocado pola Resolución do 16 de decembro de 2016 (DOG núm. 2, do 3 de xaneiro de 2017).

Segundo. Nomear, para o posto que se indica, á persoa citada no anexo desta resolución.

Terceiro. Contra a resolución, pola que se resolve a convocatoria, poderá interpoñerse, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado desde o día seguinte á súa publicación no Diario Oficial de Galicia.

Santiago de Compostela, 8 de marzo de 2017

Eloína Núñez Masid
Xerente de Xestión Integrada de Santiago de Compostela

ANEXO

Posto: xefe/a de servizo.

Servizo de Atención Primaria: Melide.

Nome e apelidos: Carmen Silva Varela Castro.

DNI (*): *****601X.

(*) Ocúltase parcialmente o número de documento nacional de identidade para preservar os datos de carácter persoal, de acordo ca Lei orgánica 15/1999, do 13 de decembro.