A persoa titular da Xefatura Territorial de Ourense ditou a resolución dos expedientes sancionadores OU-01057-O-2016 e outro máis por infracción da normativa sobre transporte terrestre.
Intentada a notificación da resolución por correo certificado con aviso de recepción no domicilio que consta no correspondente expediente sancionador, ésta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.
Infórmase de que os expedientes sancionadores se atopan á súa disposición nas oficinas do Servizo de Mobilidade de Ourense.
Comunicáselles que contra a resolución sancionadora, que non é definitiva na vía administrativa, cabe recurso de alzada ante a persoa titular da Dirección Xeral de Mobilidade da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.
En caso de conformidade coa resolución sancionadora, a persoa interesada deberá aboar a multa imposta empregando o modelo impreso que se facilitará no Servizo de Mobilidade de Ourense.
No caso de non presentar recurso de alzada e non pagar a sanción imposta, procederase ao seu cobramento pola vía de constrinximento segundo o previsto na normativa vixente.
Ourense, 9 de marzo de 2017
Ángel Míguez López
Xefe do Servizo de Mobilidade de Ourense
ANEXO
|
Expediente Matrícula |
Persoa sancionada DNI/CIF |
Infracción cometida Data-Hora-Estrada-p.q. |
Precepto cualificador |
Precepto sancionador |
Sanción imposta |
|
OU-01057-O-2016 6714-FZD |
Catran 2010, S.L. B91915330 |
Exceso nos tempos máximos de condución diaria (sobre 10 horas). Máis de 10 horas ata 11 horas. 14.6.2016; 20.22; A-52; 155 |
Art. 142.17 LOTT |
Art. 143.1.a) LOTT |
100 euros |
|
OU-01143-O-2016 6714-FZD |
Catran 2010, S.L. B91915330 |
A realización de transportes públicos utilizando para a condución do vehículo os servizos dunha persoa que requira o certificado de condutor de terceiro país (non da UE), carecendo deste. 14.6.2016; 20.55; A52; 155,0 |
Art. 141.9 LOTT |
Art. 143.1.e) LOTT |
601 euros |
