Eu, José Andrés Salgado Fernández, letrado da Administración de xustiza da Sala do Contencioso-Administrativo do Tribunal Superior de Xustiza de Galicia, por este edicto
Anuncio:
Que na cuestión de ilegalidade número 297/16, seguida por instancia da Administración autonómica, foi ditada a resolución cuxo encabezamento e parte dispositiva son do seguinte teor literal:
Sentenza: 00701/2016.
Relator: Fernando Seoane Pesqueira.
Recurso número: cuestión de ilegalidade 297/2016.
Recorrente: Sandra Barros Martínez.
Administración demandada: Servizo Galego de Saúde.
En nome do rei.
A Sección 1 da Sala do Contencioso-Administrativo do Tribunal Superior de Xustiza de Galicia pronunciou a
«Sentenza.
Fernando Seoane Pesqueira, presidente.
Dolores Rivera Frade.
Julio César Díaz Casales.
A Coruña, 22 de decembro de 2016.
No recurso contencioso-administrativo que, co número 297/2016, cuestión de ilegalidade, pende de resolución ante esta sala, promovida polo Xulgado do Contencioso-Administrativo número 3 da Coruña, por instancia de Sandra Barros Martínez, representada polo procurador Miguel Vilariño García e dirixida pola letrada Francisca Dolores Arias Castro, contra o Servizo Galego de Saúde, dirixido polo letrado do Sergas, sobre limitación de permiso.
É relator Fernando Seoane Pesqueira.
Decidimos que estimamos a cuestión de ilegalidade formulada polo Xulgado do Contencioso-Administrativo número 3 da Coruña e, en consecuencia, declárase a ilegalidade e conseguinte nulidade da limitación do permiso establecida nas instrucións do Sergas de 29 de outubro de 2001 e no punto 5 da sexta instrución da Resolución do 24 de febreiro de 2016, da Dirección Xeral da Función Pública, pola que se ditan instrucións sobre o réxime de vacacións, permisos e licenzas; sen facer imposición de custas.
Publíquese esta sentenza no Diario Oficial de Galicia, e comuníquese ao Xulgado do Contencioso-Administrativo número 3 da Coruña.
Notifíquese a presente sentenza ás partes e fágaselles saber que contra ela se pode interpor recurso de casación ante a Sala Terceira do Tribunal Supremo ou ante a sala correspondente deste Tribunal Superior de Xustiza, sempre que se acredite interese casacional. O devandito recurso deberase preparar ante a sala de instancia no prazo de trinta días, contados desde o seguinte ao da notificación da resolución que se impugna, en escrito en que se dea cumprimento aos requisitos do artigo 89 da Lei reguladora da xurisdición contencioso-administrativa. Para admitir a trámite o recurso, ao prepararse deberase constituír na conta de depósitos e consignacións deste tribunal (1570-0000-85-0297-2016) o depósito a que se refire a disposición adicional décimo quinta da Lei orgánica 1/2009, do 3 de novembro (BOE núm. 266 do 4.11.2009); e, no seu momento, devólvase o expediente administrativo á súa procedencia, con certificación desta resolución.
Así se acorda e asina».
E, como consecuencia do ordenado na parte dispositiva da sentenza, expídese este edicto para a notificación do encabezamento e parte dispositiva da sentenza no Diario Oficial de Galicia.
A Coruña, 2 de marzo de 2017
José Andrés Salgado Fernández
Letrado da Administración de xustiza
