De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, notifícase á mercantil Alimentación Projoscar, S.L., mediante a publicación no Boletín Oficial del Estado, por non ser posible a notificación a través do servizo de Correos, a resolución emitida pola Presidencia de Portos de Galicia o 22 de febreiro de 2017 que acorda desestimar o recurso potestativo de reposición interposto contra a Resolución do 23 de novembro de 2016, que decreta a caducidade da concesión administrativa outorgada á mercantil citada no porto de Tragove, con destino á construción de planta de engorda de rodaballo, e en consecuencia, confirmala en todos os seus termos.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
Os interesados poderán comparecer na sede dos servizos centrais de Portos de Galicia, sitos na praza de Europa, 5 A, 6º, de Santiago de Compostela, para o coñecemento do contido íntegro da resolución e constancia de tal coñecemento.
Contra a presente resolución, que pon fin á vía administrativa e é executiva, poderase interpoñer recurso contencioso administrativo nun prazo de dous meses contados desde a publicación desta cédula no BOE, perante o Xulgado do Contencioso-Administrativo de Santiago de Compostela que corresponda.
Santiago de Compostela, 15 de marzo de 2017
José Juan Durán Hermida
Presidente de Portos de Galicia