A Xunta de Goberno Local, en sesión do día 30 de decembro de 2016, acordou o seguinte:

«Primeiro. Aprobar inicialmente o proxecto de expropiación forzosa para a execución do tramo do sistema xeral viario entre o Parque Ofimático e a Residencia de Santa Teresa de Jornet. O importe do presente proxecto de expropiación ascende a 6.074,78 € e existe crédito adecuado e suficiente no orzamento de 2016 con cargo á partida 30.151.600.05 de adquisición de solo. Actuacións varias; código 36A, pendente de establecer código de proxecto.

Segundo. Optar polo procedemento de taxación conxunta para a tramitación do expediente.

Terceiro. Requirir os interesados titulares de bens e dereitos afectados para que acheguen os títulos que os acrediten como propietarios destas».

De conformidade co disposto no artigo 118.2 e 3 da Lei 2/2016, do 10 de febreiro, do solo de Galicia (artigo 293 do Decreto 143/2016, do 22 de setembro, polo que se aproba o regulamento da Lei 2/2016), o citado expediente sométese á información pública polo prazo dun mes mediante a inserción de anuncios no DOG e nun xornal dos de maior circulación da provincia, para que aquelas persoas que poidan resultar interesadas formulen as observacións e reclamacións que consideren pertinentes, en particular no que atinxe á titularidade ou valoración dos seus respectivos dereitos.

Para estes efectos, indícase que o expediente pode consultarse durante o prazo dun mes nas dependencias da Área de Rexeneración Urbana e Dereito á Vivenda (rúa de Indalecio Prieto, nº 1), de luns a venres, das 9.00 ás 14.00 horas.

A Coruña, 31 de xaneiro de 2017

O alcalde
P.D. (Resolución 30.12.2016)
Hipólito Pérez Novo
Director da Área de Rexeneración Urbana