O director da Axencia de Protección da Legalidade Urbanística ditou, o 15 de febreiro de 2017, resolución pola que se impón unha terceira multa coercitiva, derivada do expediente de reposición de la legalidad urbanística IU1/11/2013 como consecuencia de incumprir o ordenado nas resolucións do 26.12.2013, 7.11.2014, 10.6.2015 e 25.4.2016, na que se ordena a demolición de dúas edificacións de uso residencial, construción de tres edificacións máis auxiliares do dito uso, instalación de dous contedores e depósito de plásticos, entullos e chatarra, realizadas sen autorización autonómica, no lugar de Estivadiña, na parroquia de San Martiño de Aríns, no concello de Santiago de Compostela, por resultar incompatibles co ordenamento urbanístico vigente.

Ao non poderse realizar a notificación persoal da resolución a Serafín dos Reis Machado, María do Ceu dos Santos Domingos e Serafín dos Santos Machado, mediante esta cédula, e ao amparo do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícase aos interesados a dita resolución por medio dun anuncio no Boletín Oficial del Estado e a súa data de publicación é a que determina a eficacia do acto notificado.

Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade e comunícase aos interesados que o texto íntegro da resolución que se notifica se atopa ao seu dispor nas dependencias da Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

Contra esta resolución, que pon fin á vía administrativa, os interesados poden interpoñer recurso de reposición no prazo dun mes, contado a partir do día seguinte a aquel en que se teña producido a notificación, ante o director da Axencia de Protección da Legalidade Urbanística, ou ben, se non exercen o seu dereito a presentar recurso potestativo de reposición, poden interpoñer directamente recurso contencioso-administrativo, no prazo de dous meses, ante o Xulgado do Contencioso-Administrativo en cuxa circunscrición se sitúe o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.

Para que conste e sirva de notificación aos citados interesados, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.

Santiago de Compostela, 7 de marzo de 2017

José Antonio Cerdeira Pérez
Director da Axencia de Protección da Legalidade Urbanística