1. Entidade adxudicadora: datos xerais e datos para a obtención da información.
a) Organismo: Augas de Galicia.
b) Dependencia que tramita o expediente: Contratación.
c) Obtención de documentación e información:
1º. Dependencia: Augas de Galicia.
2º. Enderezo: Doutor Maceira, nº 18, baixo.
3º. Localidade e código postal: Santiago de Compostela, 15706.
4º. Teléfono: 981 95 74 01 e 981 95 74 27.
5º. Fax: 981 95 74 03 e 881 99 96 94.
6º. Correo electrónico: contratacion.epaugasdegalicia@xunta.gal
7º. Enderezo da internet do perfil do contratante: http://www.contratosdegalicia.es/consultaOrganismo.jsp?N=216
Tamén se terá acceso ao perfil do contratante desde a Plataforma de contratos públicos de Galicia a través de http://www.xunta.gal e desde a Plataforma de contratación do sector público https://contrataciondelestado.es por medio de ligazóns de interese ás plataformas de contratación das comunidades autónomas e na páxina web http://augasdegalicia.xunta.gal/
8º. Data límite de obtención de documentación e información: coincide coa data límite de presentación de ofertas.
d) Número de expediente: OH.988.387.
2. Obxecto do contrato.
a) Tipo: contrato administrativo de servizo.
b) Descrición: desenvolvemento dunha campaña de difusión e divulgación social en materia de augas en Galicia.
c) Lugar de execución: Galicia.
d) Prazo de execución: dez (10) meses.
e) Admisión de prórroga: si; posibilidade de prórroga ou prórrogas contractuais ata un máximo de dez (10) meses.
f) CPV (referencia de nomenclatura): 79341400-0, 79341200-8.
3. Tramitación e procedemento.
a) Tramitación: ordinaria da licitación.
b) Procedemento: aberto con varios criterios de valoración e suxeito a regulación harmonizada.
c) Criterios de adxudicación: a pluralidade dos criterios de valoración enuméranse e detállanse coas súas puntuacións e ponderacións no prego de cláusulas administrativas particulares e no perfil do contratante.
4. Valor estimado do contrato: 661.157,02 euros. Inclúe os orzamentos de licitación e das eventuais prórrogas contractuais previstas.
5. Orzamento base de licitación.
a) Importe neto: 330.578,51 euros. Importe total: 400.000,00 euros.
6. Garantías exixidas.
Provisional: non se exixe. Definitiva (%): 5 % do orzamento base de licitación, IVE excluído.
7. Requisitos específicos do contratista.
a) Clasificación (grupo, subgrupo e categoría): grupo T, subgrupo 1, categoría 3 ou grupo T, subgrupo 1, categoría C.
b) Condicións mínimas de solvencia: a solvencia económica e financeira acreditarase coa cifra anual de negocios e a técnica e profesional coa relación dos servizos realizados cun importe mínimo, para cada unha delas, de 66.115,70 euros nos termos expresados no cadro de características do contrato e na cláusula 6.1.4 do prego administrativo.
8. Presentación de ofertas ou de solicitudes de participación.
a) Data límite de presentación: 25 de abril de 2017.
b) Modalidade de presentación: a establecida no prego de cláusulas administrativas particulares. As proposicións axustaranse estritamente aos modelos que se inclúen no citado prego. O procedemento é documentalmente simplificado en relación coa documentación que se vai presentar no sobre A.
c) Lugar de presentación:
1º. Dependencia: Augas de Galicia, no seu rexistro e nos días e horas hábiles de oficina (de luns a venres, das 9.00 ás 14.00 horas).
2º. Enderezo: Doutor Maceira nº 18, baixo.
3º. Localidade e código postal: Santiago de Compostela, 15706.
d) Admisión de variantes: non se admiten.
e) Prazo durante o cal o licitador estará obrigado a manter a súa oferta: dous (2) meses desde a apertura en acto público, segundo se indica no punto seguinte, das ofertas contidas no sobre C.
9. Apertura das ofertas.
a) Descrición: a apertura, comprobación e valoración separada do sobre A, relativo á documentación acreditativa dos requisitos de aptitude para contratar; do sobre B, cos elementos da oferta non valorables de forma automática, e do sobre C, cos da oferta que admiten unha valoración mediante a aplicación de fórmulas, realizaranse conforme o disposto no prego administrativo e na normativa de contratos do sector público.
b) Enderezo: Augas de Galicia, na rúa Doutor Maceira, nº 18, baixo.
c) Localidade e código postal: Santiago de Compostela (A Coruña), 15706.
d) Data e hora: a apertura en acto público do sobre B terá lugar o 11 de maio de 2017, ás 9.00 horas, e a do sobre C na data e hora que se publicará no perfil do contratante con dous días hábiles de antelación á súa realización.
10. Gastos de publicidade: serán por conta do licitador seleccionado para ser adxudicatario.
11. Data de envío do anuncio ao Diario Oficial de la Unión Europea: 16 de marzo de 2017.
12. Outras informacións.
a) Modificacións previstas: prevese no contrato a posibilidade da súa eventual modificación á baixa nos termos expresados no prego de cláusulas administrativas particulares.
b) As ofertas tamén se poderán presentar por correo, segundo o disposto no artigo 80.4 do Regulamento xeral da Lei de contratos das administracións públicas; neste caso, o licitador deberá anunciar ao órgano de contratación, no mesmo día da imposición na oficina de Correos, mediante fax ou telegrama, a remisión da documentación para concorrer á licitación, así como xustificar a data de imposición do envío.
c) Idioma: galego, castelán ou nos idiomas da Unión Europea, xunto coa tradución oficial.
d) Forma xurídica de agrupación de empresas, de ser o caso: unión de empresarios.
e) Apertura do sobre A: terá lugar en acto previo a comprobación da documentación xeral segundo se especifica no prego de cláusulas administrativas particulares.
f) Apertura e valoración das ofertas dos sobres B e C: a apertura do sobre B e a súa valoración realizaranse con anterioridade á apertura e valoración do contido do sobre C. No caso de que os actos públicos de apertura das ofertas se modifiquen, farase pública esta circunstancia no perfil do contratante.
g) Publicidade de resultados: as datas e os resultados das aperturas dos sobres A, B e C, así como da adxudicación e formalización do contrato, faranse públicos no perfil do contratante.
h) Formalización do contrato: o contrato perfeccionarase coa súa formalización, que se efectuará no prazo previsto no cadro de características.
Santiago de Compostela 16 de marzo de 2017
A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roberto Rodríguez Martínez
Director de Augas de Galicia
