De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícase a José Luis da Costa Ferreira, con DNI X4804740V, en tanto que propietario do vehículo marca Seat, modelo Córdoba, con matrícula 5231BNX, o seguinte requirimento por non ser posible a notificación a través do servizo de Correos.
Segundo oficio denuncia da Garda Civil do 14 de xaneiro de 2017, o vehículo que se indica, atópase abandonado desde hai tempo na rúa Pedra Sartaña, non ten en regra a ITV, nin dispón de seguro obrigatorio.
Considerando o exposto, e toda vez que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 106.1 do Real decreto lexislativo 6/2015, do 30 de outubro, que aproba o texto refundido da Lei sobre tráfico, circulación de vehículos de motor e seguridade vial, requírese o titular para que nun prazo máximo dun mes contado desde a publicación da presente cédula no Boletín Oficial del Estado, proceda a retirar o vehículo da zona de servizo do porto de Noia.
No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo, e procederá en consecuencia ao seu traslado a centro autorizado de tratamento de vehículos para a súa posterior destrución e descontaminación.
O anterior enténdese sen prexuízo das sancións administrativas que procedan en dereito.
Así mesmo, este anuncio se publicará no Diario Oficial de Galicia, se ben, a eficacia do acto notificado quedará supeditada á súa publicación no BOE.
Santiago de Compostela, 13 de marzo de 2017
José Ignacio Villar García
Director de Portos de Galicia