O Pleno da Corporación, na sesión ordinaria que tivo lugar o día 19 de xaneiro de 2017, adoptou, entre outros, o seguinte acordo:

Primeiro. Aprobar inicialmente a Modificación puntual da ordenanza especial OE-5 Galeras do PXOM, no ámbito do antigo hospital, segundo o proxecto formulado pola Sección Municipal de Planeamento, ao que se incorporará a limitación do uso comercial á categoría 2ª das definidas no Plan xeral (artigo 109 do PXOM).

Segundo. Someter o expediente a información pública durante o prazo de dous meses, mediante anuncios que para o efecto se publicarán no Diario Oficial de Galicia e nun xornal dos de maior difusión na provincia.

A documentación sometida a información pública abranguerá todos os documentos do expediente tramitado, e incluirá:

– O resumo executivo que exixe o artigo 25.3 do Real decreto lexislativo 7/2015, polo que se aproba o texto refundido da Lei do solo e rehabilitación urbana.

– A Resolución da Secretaría Xeral de Calidade e Avaliación Ambiental do 5 de setembro de 2016, pola que se formula o informe ambiental estratéxico.

Terceiro. En cumprimento do que dispón o punto 7 do artigo 60 da LSG, o concello trasladará a documentación á Secretaría Xeral de Ordenación do Territorio e Urbanismo, co fin de que este órgano outorgue audiencia aos municipios limítrofes e solicite os informes sectoriais autonómicos que resulten preceptivos.

Este acordo de aprobación inicial determina ex lege, por aplicación do artigo 47.2 da LSG, a suspensión do outorgamento das licenzas que poidan resultar incompatibles coa nova ordenación proposta, durante o prazo máximo de dous anos, contado desde a aprobación inicial.

O que se publica co fin de que, durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente no Servizo de Planeamento e Xestión e formular as alegacións que xulguen oportunas. Na páxina web do Concello http://transparencia.santiagodecompostela.gal/planeamento-en-tramitacion/ poderase consultar a documentación sometida a información pública.

Santiago de Compostela, 1 febreiro de 2017

O alcalde
P.D. (DEC/3997/2015, do 18 de xuño)
Jorge Duarte Vázquez
Concelleiro delegado de Espazos Cidadáns,
Dereito á Vivenda e Mobilidade