A Xunta de Goberno Local, na sesión que tivo lugar o 8 de febreiro de 2017, acordou aprobar inicialmente o documento denominado modificado do Plan parcial do sector de solo urbanizable Monte Balado, redactado pola arquitecta municipal e polo asesor xurídico urbanístico do concello, con data do 2 de febreiro de 2017.
En cumprimento do artigo 75 da Lei 2/2016, do 10 de febreiro, do solo de Galicia, o expediente sométese a información pública polo prazo de dous meses, contado a partir do día seguinte ao da última das publicacións deste anuncio no Diario Oficial de Galicia e nun dos xornais de maior difusión na provincia, para que calquera interesado poida consultalo e formular, de ser o caso, as alegacións que considere oportunas.
A documentación da modificación do Plan parcial pódese consultar no Departamento de Urbanismo, en horario das 9.00 ás 14.00 horas, de luns a venres.
Brión, 20 de febreiro de 2017
José Luis García García
Alcalde