Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento ordinario 176/2015 deste xulgado do social, seguido por instancia de Javier Nieves Miguens contra Talleres J. y M. Fernández, S.L., Automóbiles J. y M. Fernández, S.L., SS Fernández Concesionario, S.L. e Fogasa, sobre ordinario, foi ditada a seguinte resolución:
Xulgado do Social número 3
PO Procedemento ordinario 176/2015
Procedemento orixe: /
Sobre ordinario
Demandante: Javier Nieves Miguens
Avogada: Rosa María Martínez Ferreiro
Demandados: Talleres J. y M. Fernández, S.L., Automóviles J. y M. Fernández, S.L., SS Fernández Concesionario, S.L., Fogasa
Avogado/a: Fogasa
«Sentenza.
Santiago de Compostela, 16 de febreiro de 2017
Sandra María Iglesias Barral, maxistrada do Xulgado do Social número 3 de Santiago de Compostela, tendo visto os presentes autos seguidos neste xulgado co nº 176/2015, en que son parte, como demandante, Javier Nieves Miguens, asistido pola letrada Sra. Martínez Ferreiro, e, como demandados, Talleres J. y M. Fernández, S.L., Automóbiles J. y M. Fernández, S.L., SS Fernández Concesionario, S.L., Talleres Fernández Coruña, S.L., Ifer Coruña, S.L., que non comparecen a pesar da súa citación en legal forma, igual que o Fogasa (Fondo de Garantía Salarial) citado de oficio, pronunciou esta sentenza, en nome do rei, con base nos seguintes (...)
Decido.
Estimar a demanda interposta por Javier Nieves Miguens contra Talleres J. y M. Fernández, S.L., Automóbiles J. y M. Fernández, S.L., SS Fernández Concesionario, S.L., Talleres Fernández Coruña, S.L., Ifer Coruña, S.L. e, en consecuencia, condénase solidariamente as demandadas a aboar ao demandante a cantidade de 11.733,75 euros como indemnización por despedimento e falta de aviso previo e 5.183,09 euros en concepto de salarios debidos, cantidade a que se lle aplicará o xuro do 10 % por demora. Todo isto sen prexuízo da responsabilidade, se for o caso, do Fogasa.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución, para o cal é suficiente a manifestación da parte ou do seu avogado, graduado social colexiado ou representante dentro do indicado prazo.
É indispensable que no momento de anuncialo a parte que non teña o carácter de traballador ou habente causa dun deles ou de beneficiaria do réxime público da Seguridade Social, ou que non goce do beneficio de xustiza gratuíta, demostre ter consignado como depósito a cantidade de 300 € na conta deste xulgado, así como demostrar, ao anunciar o recurso, ter consignado na conta de depósitos e consignacións aberta a nome deste xulgado, a cantidade obxecto de condena. A consignación en metálico pódese substituír polo aseguramento mediante aval bancario, no cal se deberá facer constar a responsabilidade solidaria do avalista.
Están exentos de constituíren o depósito e a consignación indicada as persoas e entidades comprendidas no número 4 do artigo 229 da LRXS.
Así o acorda, manda e asina, Sandra María Iglesias Barral, maxistrada do Xulgado do Social número 3 de Santiago de Compostela».
E para que sirva de notificación en legal forma a Talleres Fernández Coruña, S.L., en ignorado paradoiro, expido este edicto para a súa inserción no Diario Oficial de Galicia e no taboleiro de anuncios deste xulgado.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 21 de febreiro de 2017
A letrada da Administración de xustiza