Convocada a provisión, polo sistema de libre designación, dun posto de traballo vacante nesta consellería, mediante a Orde do 20 de xaneiro de 2017 (Diario Oficial de Galicia núm. 25, do 6 de febreiro), de conformidade co disposto na base sexta da referida orde, esta consellería

DISPÓN:

Primeiro.

Resolver a convocatoria pública para a provisión, polo sistema de libre designación, dun posto de traballo vacante nesta consellería, anunciada pola Orde do 20 de xaneiro de 2017 (Diario Oficial de Galicia núm. 25, do 6 de febreiro).

Segundo.

Adxudicar destino, no posto de traballo que se indica, e seleccionar a persoa que se relaciona no anexo da presente orde.

O código de posto de traballo recollido na Orde do 23 de xullo de 2016 modificouse como consecuencia da aprobación de relación de postos de traballo da Consellería de Infraestruturas e Vivenda, e nesta orde recóllese o actual código do posto.

Terceiro.

O cesamento no destino actual da persoa que obtivo praza deberá efectuarse o día seguinte ao da publicación desta orde no Diario Oficial de Galicia.

O prazo para a toma de posesión do novo destino será de tres días hábiles se non implica cambio de residencia ou de sete días hábiles se comporta cambio de residencia, de conformidade co establecido no artigo 14 do Decreto 93/1991, do 20 de marzo, na súa nova redacción dada polo Decreto 166/2013, do 14 de novembro, e o disposto na base sétima da convocatoria.

Cando o/a adxudicatario/a do posto obteña coa súa toma de posesión o reingreso ao servizo activo, o prazo será de vinte días hábiles.

O cómputo de prazos de posesión iniciarase cando rematen os permisos ou licenzas que, se é o caso, lle fosen concedidas á dita persoa. Nos supostos de baixa temporal ou transitoria iniciarase a partir da correspondente alta.

Cuarto.

O xefe/a do centro en que cause baixa a persoa seleccionada, así como o/a daquel en que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión.

Quinto.

Contra esta orde, que pon fin á vía administrativa, os/as interesados/as poderán interpoñer recurso potestativo de reposición ante a conselleira de Infraestruturas e Vivenda, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 1 de marzo de 2017

Ethel Mª Vázquez Mourelle
Conselleira de Infraestruturas e Vivenda

ANEXO

Apelidos e nome: Burgo Rodil, José Ángel.

NRP: 3333704246 A2063.

Subgrupo: A1.

Denominación do posto de traballo: vogal permanente do Xurado de Expropiación de Galicia.

Código do posto de traballo: IV.C04.00.000.15770.070.

Centro directivo: Xurado de Expropiación de Galicia.

Localidade: Santiago de Compostela.

Corpo/escala:

ESA especial (esc. arquitectos).

ESE2 especial (esc. enxeñeiros-esp. enx. agrónoma).

ESE1 especial (esc. enxeñeiros-esp. enx. de camiños, canles e portos).

ESE5 especial (esc. enxeñeiros-esp. enx. de montes).

Nivel: 30.

Complemento específico: 18.205,56 euros.

Tipo de adscrición: adscrición exclusiva funcionarios da Xunta de Galicia.