Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento ordinario 822/2013 deste xulgado do social, seguido por instancia de Eduardo Pereiro Silveira contra Viproga, S.A., Servicios de Seguridade Integral e Mantenementos A-1, S.L., Alcor Seguridad, S.L., Fondo de Garantía Salarial (Fogasa), CIS Compañía Integral de Seguridad, sobre ordinario, ditouse a seguinte resolución:

«Que debo estimar e estimo a demanda presentada por instancia de Eduardo Pereiro Silveira, asistido pola letrada Sra. Bugallo Varela, contra a entidade Viprogra, S.A., que non comparece neste acto malia estar debidamente citada, contra a entidade Servicios de Seguridade Integral e Mantenementos A-1, S.L., representada e asistida pola letrada Sra. Fernández García, contra a entidade Alcor Seguridad, S.L., representada e asistida polo letrado Sr. Palomero Gómez, contra a entidade CIS, Compañía Integral de Seguridad, representada e asistida pola letrada Sra. Bejarano Rúa, e o Fogasa, que non comparece malia estar debidamente citada, sobre recoñecemento de dereito, e en consecuencia, partindo de que xa o demandante ten recoñecida unha relación laboral indefinida, debo declarar e declaro que ten unha antigüidade desde o 24.6.2002, con todos os efectos inherentes á devandita declaración, e condeno as entidades demandadas a avirse á devandita declaración.

Debo absolver e absolvo o Fogasa sen prexuízo da súa responsabilidade subsidiaria nos casos previstos no artigo 33 do Estatuto dos traballadores.

Notifíquese ás partes a presente resolución.

Modo de impugnación: advírtese ás partes que contra a presente resolución poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito presentado na oficina xudicial dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtase igualmente ao recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto a nome desta oficina xudicial co número 1596, clave 65, debendo indicar no campo concepto “recurso” seguido do código “34 social suplicación”, acreditando mediante a presentación do xustificante de ingreso no período comprendido ata a formalización do recurso, así como, no caso de ter sido condenado en sentenza ao pagamento dalgunha cantidade, deberá consignar na conta de depósitos e consignacións aberta a cantidade obxecto de condena, ou formalizar aval bancario a primeiro requirimento indefinido pola devandita cantidade no cal se faga constar a responsabilidade solidaria do avalista, incorporándoos a esta oficina xudicial co anuncio de recurso. En todo caso, o recorrente deberá designar letrado para a tramitación do recurso, no momento de anuncialo.

A anterior resolución entregarase á letrada da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.

Por esta a miña sentenza, xulgando definitivamente na primeira instancia, pronúncioo, mándoo e asínoo».

E para que sirva de notificación en legal forma a Viproga, S.A., en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 3 de febreiro de 2017

A letrada da Administración de xustiza