Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Guanabara Proyectos e Inversiones, S.L.

Domicilio social: Barrio Sequeiras, 9, 36400 O Porriño.

Denominación: LMTS, CT Malladoura, polígono 7, parcela 113.

Situación: O Porriño.

Características técnicas: LMT subterránea a 15 kV con condutor RHZ1 de 402 metros de lonxitude, con orixe e final na LMTS ATI726, entre os CT Pérez Beiros nº 2 e rúa Tarela, unha vez entre e saia do CT proxectado. Centro de transformación de 250 kVA, RT 15 kV/420 V, situado no lugar de Malladoura, polígono 7, parcela 113, Nabuxil, concello do Porriño.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 14 de febreiro de 2017

Ignacio Rial Santomé
Xefe territorial de Pontevedra