O presidente do Comité Territorial de Ética da Investigación de Santiago-Lugo enviou o 8.2.2017 un escrito á Secretaría Xeral Técnica da Consellería de Sanidade, no cal comunica o cesamento por petición propia dunha persoa membro do Comité Territorial de Ética da Investigación de Santiago-Lugo e propón o nomeamento de dúas persoas.
Antecedentes:
Mediante a Resolución do 21 de xaneiro de 2014, que se publicou no DOG núm. 22, do 3 de febreiro, concedeuse a acreditación do Comité Territorial de Ética da Investigación de Santiago-Lugo, estableceuse a súa sede e nomeáronse como membros as persoas que se relacionaban no seu anexo.
Consideracións legais e técnicas:
O Decreto 63/2013, do 11 de abril, regula os comités territoriais de ética da investigación. No relativo á súa composición, o artigo 9.5 sinala que os membros destes comités serán designados/as e nomeados/as pola persoa titular da consellería competente en materia de sanidade, por proposta da Secretaría Xeral Técnica, garantindo en todo caso a representación equilibrada de homes e mulleres.
Pola súa banda, o punto 6 do artigo 9 do citado Decreto 63/2013, do 11 de abril, dispón que o nomeamento se efectuará por un período coincidente co de vixencia da acreditación do comité, aínda que poderá ser revogado ben por solicitude de baixa da persoa interesada, ben por se teren modificado as circunstancias que motivaron a súa designación, de modo que supoña a perda dos requisitos para integrar o comité, ou por incumprimento notorio das súas funcións, por criterio do comité, e logo de audiencia do interesado.
Logo de ver o que se expuxo e de acordo coa proposta que efectuou a Secretaría Xeral Técnica desta Consellería,
RESOLVO:
Revogar o nomeamento da persoa que se relaciona no anexo, por solicitude súa, como membro do Comité Territorial de Ética da Investigación de Santiago-Lugo.
Así mesmo, nomear as persoas que se relacionan no anexo coa finalidade de manter os requisitos para a acreditación dese comité.
Santiago de Compostela, 14 de febreiro de 2017
Jesús Vázquez Almuíña
Conselleiro de Sanidade
ANEXO
Revógase o nomeamento da seguinte persoa:
– María Isabel Loza García.
Noméanse as seguintes persoas:
– Rafael Carlos Vidal Pérez, especialista en cardioloxía.
– Jaime Gulín Dávila, titulado en farmacia.
