O 13 de xaneiro de 2012 publicouse no Diario Oficial de Galicia o Decreto 32/2012, do 12 de xaneiro, polo que se aproba o Estatuto da entidade pública empresarial Augas de Galicia, que no seu artigo 5 configura o Consello Reitor como un dos seus órganos de goberno e no seu artigo 7 indica que é o órgano colexiado de goberno de Augas de Galicia.
A composición do Consello Reitor fíxase no artigo 7 do estatuto da entidade pública empresarial Augas de Galicia e indícase que está integrado pola Presidencia, que lle corresponde a quen desempeñe a de Augas de Galicia, a Vicepresidencia, que corresponde a quen desempeñe a dirección da entidade, e que, ademais, formarán parte del os seguintes vogais:
a) Once representantes da Administración xeral da Comunidade Autónoma de Galicia, propostos polas consellerías seguintes:
Cinco serán propostos pola consellería competente en materia de augas.
Un será proposto polas consellerías competentes en materia de administracións públicas, facenda, industria, sanidade, desenvolvemento rural e pesca.
b) Tres vogais representantes das entidades locais propostos pola Federación Galega de Municipios e Provincias, dos cales un deberá ser, chegado o caso da súa creación, proposto polas áreas metropolitanas que se creen.
c) Oito vogais representantes dos usuarios: dous polos usos domésticos da auga. Corresponderá a proposta dun deles ás entidades subministradoras e do outro ás comunidades de usuarios e autoabastecemento, dous polos usuarios agrícolas e gandeiros, dous polos usos industriais e dous en representación dos aproveitamentos hidroeléctricos.
d) Un vogal en representación das asociacións non gobernamentais de carácter ambiental máis representativas de Galicia.
e) Un/unha representante da Administración xeral do Estado.
En cumprimento do disposto no Estatuto de Augas de Galicia, o 30 de xaneiro de 2012 publicouse no Diario Oficial de Galicia a Orde do 24 de xaneiro de 2012 pola que se nomean os membros do Consello Reitor da entidade pública empresarial Augas de Galicia. O artigo 7.5 do Estatuto da entidade pública empresarial Augas de Galicia prevé que o mandato dos representantes dos usuarios dure catro anos, polo que, finalizado o dito período, procede efectuar novos nomeamentos.
Por todo isto, en virtude do establecido no artigo 7.5 do citado estatuto e das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Primeiro. Deixar sen efecto os nomeamentos de vogais titulares e suplentes do Consello Reitor de Augas de Galicia efectuados pola Orde do 24 de xaneiro de 2012 (DOG núm. 20, do 30 de xaneiro).
Segundo. Nomear vogais titulares e suplentes do Consello Reitor da entidade pública empresarial Augas de Galicia as persoas titulares dos postos que se indican:
a) Once vogais en representación da Administración xeral da Comunidade Autónoma de Galicia, propostos por cada unha das consellerías competentes nas seguintes materias:
a.1. Cinco pola consellería competente en materia de augas:
1º. Titular: a persoa titular da Dirección Xeral de Calidade Ambiental e Cambio Climático.
2º. Suplente: a persoa titular da Subdirección Xeral de Avaliación Ambiental.
3º. Titular: a persoa titular da Dirección da Axencia Galega de Infraestruturas.
4º. Suplente: a persoa titular da Xefatura de Área de Seguridade Viaria e Obras da Axencia Galega de Infraestruturas.
5º. Titular: a persoa titular da Dirección Xeral de Patrimonio Natural.
6º. Suplente: a persoa titular da Subdirección Xeral de Biodiversidade e de Recursos Cinexéticos e Piscícolas.
7º. Titular: a persoa titular da Dirección Xeral de Ordenación do Territorio e Urbanismo.
8º. Suplente: a persoa titular da Subdirección Xeral de Urbanismo.
9º. Titular: a persoa titular da Subdirección Xeral de Xestión do Dominio Público Hidráulico.
10º. Suplente: a persoa titular da Xefatura do Servizo de Planificación e Programación Hidrolóxica.
a.2. Un pola consellería competente en materia de administracións públicas:
1º. Titular: a persoa titular da Dirección Xeral de Emerxencias e Interior.
2º. Suplente: a persoa titular da Subdirección Xeral de Planificación e Protección Civil.
a.3. Un pola consellería competente en materia de facenda:
1º. Titular: a persoa titular da Subdirección Xeral de Programación Financeira do Sector Público Autonómico e de Seguimento de Políticas de Gasto.
2º. Suplente: a persoa titular da Xefatura do Servizo de Seguimento de Políticas de Gasto.
a.4. Un pola consellería competente en materia de industria:
1º. Titular: a persoa titular da Subdirección Xeral de Enerxía.
2º. Suplente: a persoa titular da Xefatura do Servizo de Enerxías Renovables e Eficiencia Enerxética.
a.5. Un pola consellería competente en materia de sanidade:
1º. Titular: a persoa titular da Dirección Xeral de Saúde Pública.
2º. Suplente: a persoa titular da Subdirección Xeral de Programas de Control de Riscos Ambientais para a Saúde.
a.6. Un pola consellería competente en materia de desenvolvemento rural:
1º. Titular: a persoa titular da Dirección Xeral de Desenvolvemento Rural.
2º. Suplente: a persoa titular da Subdirección Xeral de Infraestruturas Agrarias.
a.7. Un pola consellería competente en materia de pesca:
1º. Titular: a persoa titular da Dirección do Instituto Tecnolóxico para o Control do Medio Mariño.
2º. Suplente: a persoa titular da Subdirección do Instituto Tecnolóxico para o Control do Medio Mariño.
b) Tres vogais en representación das entidades locais:
b.1. Titular: a persoa titular da Alcaldía de Cervo.
b.2. Suplente: a persoa titular da Alcaldía de Padrón.
b.3. Titular: a persoa titular da Alcaldía de Silleda.
b.4. Suplente: a persoa titular da Alcaldía do Barco de Valdeorras.
b.5. Titular: a persoa titular da Alcaldía de San Sadurniño.
b.6. Suplente: a persoa titular da Alcaldía de Carballo.
c) Oito vogais representantes dos usuarios:
c.1. Dous en representación dos usos domésticos da auga:
1º. Titular: a persoa titular da Presidencia da Asociación das Traídas de Augas-Coxapo Galicia.
2º. Suplente: a persoa titular da Secretaría da Asociación das Traídas de Augas-Coxapo Galicia.
3º. Titular: a persoa titular da Delegación de Gestión y Técnicas de Agua, S.A. en Galicia.
4º. Suplente: a persoa titular da Xefatura de Explotación Culleredo da entidade Gestión y Técnicas de Agua, S.A.
c.2. Dous en representación dos usuarios agrícolas e gandeiros:
1º. Titular: a persoa titular da secretaría xeral da asociación profesional Xóvenes Agricultores.
2º. Suplente: a persoa titular da secretaría xeral técnica da asociación profesional Xóvenes Agricultores.
1º. Titular: a persoa titular da secretaría de desenvolvemento rural e Producións Forestais da asociación profesional Unións Agrarias.
2º. Suplente: técnico de gabinete da asociación profesional Unións Agrarias.
c.3. Dous en representación dos usos industriais:
1º. Titular: a persoa designada representante o 15 de marzo de 2016 pola Confederación de Empresarios de Galicia.
2º. Suplente: a persoa designada representante o 15 de marzo de 2016 pola Confederación de Empresarios de Galicia.
3º. Titular: a persoa designada representante o 15 de marzo de 2016 pola Confederación de Empresarios de Galicia.
4º. Suplente: a persoa designada representante o 15 de marzo de 2016 pola Confederación de Empresarios de Galicia.
c.4. Dous en representación dos aproveitamentos hidroeléctricos:
1º. Titular: a persoa titular da Dirección de Explotación de Activos Hidroeléctricos España-Gas Natural Fenosa Generación.
2º. Suplente: a persoa titular da Dirección de Zona Noroeste de Ferroatlántica, S.A.U.
3º. Titular: a persoa titular da Dirección-Xerencia de Energía de Galicia, S.A.
4º. Suplente: a persoa representante de Eléctrica de Cabalar Generación, S.L.
d) Un en representación das asociacións non gobernamentais de carácter ambiental máis representativas de Galicia:
1º. Titular: a persoa titular da presidencia da Asociación para a Defensa Ecolóxica de Galiza.
2º. Suplente: a persoa titular da Presidencia da Sociedade Galega de Historia Natural.
e) Un en representación da Administración xeral do Estado:
1º. Titular: a persoa titular da Presidencia da Confederación Hidrográfica do Miño-Sil.
2º. Suplente: a persoa titular da Xefatura de Planificación Hidrolóxica da Confederación Hidrográfica do Miño-Sil.
Terceiro. Esta orde producirá efectos desde o día da súa publicación no Diario Oficial de Galicia.
Santiago de Compostela, 24 de xaneiro de 2017
Beatriz Mato Otero
Conselleira de Medio Ambiente e Ordenación do Territorio