Pola Xunta de Goberno Local de data 28 de decembro de 2016, aprobouse inicialmente a modificación do estudo de detalle redactado polos servizos municipais de asistencia técnica relativo ao sinalamento de aliñacións e rasantes e ordenación de volumes do Plan parcial SAU-2 Rianxo.
De acordo co establecido no artigo 80.2 da Lei 2/2016, do 10 de febreiro, do solo de Galicia, sométese o expediente a información pública por prazo de un mes contados a partir do seguinte ao da publicación deste anuncio no Diario Oficial de Galicia e nun dos xornais de maior difusión da provincia, durante o cal todos os interesados poderán formular as alegacións ou reclamacións que consideren pertinentes.
Este anuncio servirá de notificación nos termos establecidos no artigo 45.1.a) da Lei 39/2015, do 1 de outubro, do procedemento administrativo común das administracións públicas, para todo os propietarios e interesados directamente afectados que, por resultar descoñecidos ou por ser ignorado o seu enderezo, non poidan ser notificados persoalmente, ou intentada a notificación non se puidese practicar.
O expediente completo está a disposición dos interesados no Departamento de Urbanismo do Concello.
Rianxo, 29 de decembro de 2019
Adolfo Muíños Sánchez
Alcalde