O Craega anuncia a convocatoria de prazas de auditor para órgano de control.
DISPÓN:
Primeiro.
Anunciar a convocatoria para cubrir postos temporais de auditor.
Segundo.
Terán acceso a cubrir a praza titulados superiores, técnicos ou grao en ciencias, preferentemente referidos á produción e á transformación de alimentos. Valorarase experiencia no sector da agricultura ecolóxica e na inspección e certificación de produtos agroalimentarios, coñecementos de informática, dispoñibilidade para viaxar, carné de conducir e vehículo propio.
Terceiro.
As solicitudes, xunto co curriculum vitae, poderanse remitir, no prazo de dez días desde a publicación deste anuncio, por correo electrónico a seleccion@craega.es.
Monforte de Lemos, 2 de febreiro de 2017
José Antonio Fernández Álvarez
Presidente do Consello Regulador da Agricultura Ecolóxica de Galicia