Para os efectos previstos no artigo 54 da Lei 7/2013, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 14 de decembro de 2016, en relación co deslindamento parcial entre a Comunidade de Montes Veciñais en Man Común de Redonde e José Fraga Lorenzo, no concello de Campo Lameiro, respecto do linde común dos seus montes.
«Antecedentes de feito:
Primeiro. Con data do 11 de setembro de 2015 recíbese escrito da CMVMC de Redonde, concello de Campo Lameiro, expoñendo que a comunidade de Redonde e José Fraga Lorenzo acordan deslindar as súas propiedades conforme a liña descrita en dous planos confeccionados pola enxeñeira técnica forestal Ana Mª Vilar Bello e o enxeñeiro de montes Alejandro Arias Otero. Preséntase copia simple do documento notarial e os planos adxuntos coa liña levantada en coordenadas UTM FUSO 29 ED50 á escritura notarial.
Segundo. Con data do 9 de novembro de 2015 a Sección de Topografía informa de que:
A planimetría permite identificar o terreo que se quere deslindar.
Non existen afeccións sobre montes de utilidade pública nin Rede Natura e non existen elencos afectados por este deslindamento.
Respecto das afeccións sobre MVMC, cabe destacar que o deslindamento se sitúa no límite da zona sombreada e asignada a esta comunidade (aprox. a metade dentro e a outra metade fóra).
A liña do deslindamento coincide co catastro actual.
Terceiro. Con data do 18.2.2016 o Servizo de Montes emite informe favorable de menoscabo.
Cuarto. Con data do 9.5.2016 publícase o anuncio do 18 de abril de 2016, sobre o inicio do procedemento de deslindamento con predios particulares da CMVMC de Redonde, concello de Campo Lameiro, o que é comunicado no 13.5.2016 á CMVMC de Redonde e ao Concello de Campo Lameiro.
Quinto. Con data do 4.7.2016 recíbese escrito da CMVMC de Redonde onde se informa de que, unha vez exposto o anuncio publicado no DOG do inicio do procedemento de deslindamento, rematou o prazo para a presentación de alegacións sen recepción destas, polo que se solicita que se dea continuidade ao procedemento de deslindamento.
Sexto. Con data do 29.8.2016 recíbese certificado do 30.6.2016 da secretaria-interventora do Concello de Campo Lameiro da exposición no taboleiro de anuncios dese concello, por un prazo dun mes, do 21 de maio de 2016 ata o día 21 de xuño de 2016, do anuncio referido no parágrafo anterior, sen que se presentase ningunha reclamación.
Sétimo. Con data do 3.11.2016 recíbese escrito da CMVMC de Redonde acompañado da seguinte documentación:
Certificado de aprobación do deslindamento.
Acta do 23 de maio de 2015 de aprobación do deslindamento pola asemblea.
Acta de conciliación levantada no xulgado de paz do deslindamento entre a CMVMC de Redonde e Eulogio Reboredo Coello.
Oitavo. A descrición da liña vén dada nos planos de deslindamento de mutuo acordo entre a CMVMC de Redonde e José Fraga Lorenzo sobre ortofoto PNOA 2010 plano nº 1 e sobre ortofoto catastro plano nº 2, asinados polas partes, e confeccionados pola enxeñeira técnica forestal Ana Mª Vilar Bello e o enxeñeiro de montes Alejandro Arias Otero, segundo os puntos de coordenadas (UTM FUSO 29 ED50):
|
Punto 1 |
X=536430,85 |
Y=4706062,3 |
|
Punto 2 |
X=536428,14 |
Y=4706057,57 |
|
Punto 3 |
X=536425,54 |
Y=4706053,22 |
|
Punto 4 |
X=536423,22 |
Y=4706048,99 |
|
Punto 5 |
X=536421,16 |
Y=4706045,4 |
|
Punto 6 |
X=536418,46 |
Y=4706040,54 |
|
Punto 7 |
X=536416,72 |
Y=4706037,09 |
|
Punto 8 |
X=536413,98 |
Y=4706031,72 |
|
Punto 9 |
X=536411,01 |
Y=4706025,84 |
|
Punto 10 |
X=536408,04 |
Y=4706021,16 |
|
Punto 11 |
X=536406,72 |
Y=4706018,69 |
Noveno. Á vista da información antes relacionada, o deslindamento coincide co límite oeste da parcela catastral 36007A03100001, propiedade de José Fraga Lorenzo, e sitúase no límite da zona sombreada e asignada á CMVMC de Redonde. Que segundo os planos de conciliación, a propiedade de José Fraga Lorenzo está rodeada por muros e segundo a papeleta de conciliación linda ao sur, leste e oeste co MVMC de Redonde e que, cumpridos todos os trámites a que se refiren os puntos 1 e 2 do artigo 54 da Lei 7/2012, do 28 de xuño, de montes de Galicia, sen alegacións á liña proposta, emítese informe favorable á liña provisional de deslindamento entre a CMVMC de Redonde (Campo Lameiro) e José Fraga Lorenzo, segundo os puntos referidos no punto oitavo deste informe.
Consideracións xurídicas:
Primeira. A Lei 7/2012, do 28 de xuño, de montes de Galicia (DOG núm. 140, do 23 de xullo) na súa disposición derradeira segunda, modifica o artigo 25 da Lei 13/1989, do 10 de outubro, de montes veciñais en man común, e elimina a obriga da Administración forestal de proceder ao deslindamento e sinalización dos montes veciñais. Por tanto, esta competencia corresponde ás comunidades propietarias consonte os artigos 53 e 54 da Lei de montes de Galicia.
A Lei 7/2012, do 28 de xuño, de montes de Galicia, regula nos artigos 52 e 54 o procedemento de deslindamento de montes veciñais en man común con propiedades particulares e establece, entre outras, a obriga de publicar a resolución do Xurado no Diario Oficial de Galicia.
Segunda. Da documentación achegada pola comunidade e do informe técnico do Servizo de Montes desta xefatura territorial, emítese informe favorable á liña provisional de deslindamento entre á CMVMC de Redonde (Campo Lameiro) e José Fraga Lorenzo, segundo os puntos referidos no punto oitavo deste acordo.
Vista a avinza presentada, a documentación achegada con esta e o informe técnico do Servizo de Montes da Xefatura Territorial da Consellería do Medio Rural en Pontevedra, este xurado, en atención ao disposto nos artigos 53 y 54 e na disposición transitoria décimo cuarta da Lei 7/2013, de montes de Galicia, por unanimidade,
ACORDA:
Primeiro. Aprobar o deslindamento realizado entre a CMVMC de Redonde e José Fraga Lorenzo respecto do seu linde común nos termos indicados no antecedente de feito oitavo e segundo os planos topográficos achegados e validados mediante informe técnico do Servizo de Montes.
Segundo. Notificar este acordo á comunidade de Redonde e a José Fraga Lorenzo e publicalo no Diario Oficial de Galicia para dar cumprimento ao disposto na Lei 7/2012, do 28 de xuño, de montes de Galicia.
Contra a presente resolución, que pon fin á vía administrativa, poderase interpoñer con carácter potestativo recurso de reposición ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente publicación, de acordo co disposto no artigo 124.1 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa».
Pontevedra, 19 de xaneiro de 2017
Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra
