En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na oficina pública de depósito de estatutos de organizacións sindicais e empresariais desta secretaría xeral se procedeu a depositar a baixa da Organización de Empresas Prestadoras de Servizos Sociais (OEPSS), segundo o acordo de disolución da asociación adoptado na asemblea xeral celebrada o 4 de abril de 2016.

– Ámbito territorial: Comunidade Autónoma de Galicia.

– Ámbito profesional: poderán pertencer á dita asociación os empresarios con domicilio na Comunidade Autónoma de Galicia que se dediquen de forma habitual a desenvolver actividades que melloren a rama dos servizos sociais.

– Asinan a certificación: Manuel Rodríguez Sedano (presidente), Carlos Matovelle Gómez (secretario) e Tomás Cutrín García (vicepresidente).

Santiago de Compostela, 11 de xaneiro de 2017

Covadonga Toca Carús
Secretaria xeral de Emprego