De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícase aos interesados descoñecidos, a aqueles dos que se ignore o lugar de notificación ou ben cando, intentada esta, non se puido practicar, que se sinalan no anexo deste anuncio, o Acordo do 28 de outubro de 2016, da Xefatura Territorial da Coruña, polo que se somete a información pública a petición de autorización administrativa previa, de construción e declaración de utilidade pública, en concreto, do expediente indicado.

A eficacia do acto queda supeditada á súa publicación no Boletín Oficial del Estado, polo que os interesados poderán examinar o expediente e presentar alegacións no Servizo de Enerxía e Minas na Xefatura Territorial de Economía, Emprego e Industria, sita na rúa Vicente Ferrer, 2, 2º andar, 15071 A Coruña, no prazo de vinte (20) días, a partir do seguinte ao da publicación deste anuncio no Boletín Oficial del Estado.

Sen prexuízo do anterior, este anuncio publícase tamén no Diario Oficial de Galicia.

A Coruña, 16 de xaneiro de 2017

Isidoro Martínez Arca
Xefe territorial da Coruña

ANEXO

Expediente: IN407A 2016/1238-1.

Solicitante: Unión Fenosa Distribución, S.A.

Denominación: recuamento LMT SAD-704 contorno Faro de Mera.

Concello: Oleiros.

Relación de propietarios, bens e dereitos afectados:

Número de predio: 1.

Lugar: Trovadores.

Propietario: descoñecido.

Afección de solo en pleno dominio: apoio núm. 63, metros cadrados 2.0.