A persoa titular da Xefatura Territorial da Coruña ditou a resolución dos expedientes sancionadores número XC-01637-O-2016 e dous máis por infracción da normativa sobre transporte terrestre.

Intentada a notificación da resolución por correo certificado con xustificante de recepción no enderezo que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.

Infórmaselles que os expedientes sancionadores se atopan á súa disposición nas oficinas do Servizo de Mobilidade da Coruña.

Comunicáselles que contra a resolución sancionadora, que non é definitiva na vía administrativa, cabe recurso de alzada ante a persoa titular da Dirección Xeral de Mobilidade da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.

No caso de conformidade coa resolución sancionadora, o interesado deberá aboar a multa imposta, e empregará o modelo impreso que se facilitará no Servizo de Mobilidade da Coruña.

No caso de non presentar recurso de alzada e non pagar a sanción imposta, procederase ao seu cobro pola vía de constrinximento segundo o previsto na normativa vixente.

A Coruña, 4 de xaneiro de 2017

César Concheiro Ceide
Xefe do Servizo de Mobilidade da Coruña

ANEXO

Expediente Matrícula	Persoa sancionada DNI/CIF	Infracción cometida Data; hora; estrada; p.q.	Precepto cualificador	Precepto sancionador	Sanción imposta
XC-01637-O-2016 8075-CWP	Silva Marcote, Samuel 53304123J	Non levar a bordo do vehículo o título habilitante ou a documentación formal que acredite a posibilidade legal de prestar o servizo. 18.5.2016; 8.53; N-VI; 577,8	Artigo 142.8 da LOTT	Artigo 143.1.b) da LOTT	201 €
XC-01724-O-2016 6981-JGR	Souto Míguez, Óscar Javier 52936152L	Diminución do descanso diario normal (sobre 11 horas). Igual ou superior a 10 horas e inferior a 11 horas. 8.4.2016; 17.43; N-634, 663,0	Artigo 142.17 da LOTT	Artigo 143.1.a) da LOTT	100 €
XC-02022-O-2016 2557-GJL	Transportes Núñez Sayar, S.L. B94043783	A condución sen respectar as pausas regulamentariamente exixidas. Superior a 4 horas e 30 minutos e inferior ou igual a 5 horas. 26.4.2016; 8.56; N-550; 80,5	Artigo 142.17 da LOTT	Artigo da 143.1.a) da LOTT	100 €