DSP despedimento/cesamento en xeral 841/2016

Procedemento orixe: /

Sobre despedimento

Demandante: María Herves Rivas

Graduado social: Alfonso Carballo Jardon

Demandados: Hortalizas e Legumes Otero, S.L., Fogasa

Susana Varela Amboage, letrada da Administración de xustiza do Xulgado do Social número 3 de Santiago de Compostela, fai saber que no procedemento despedimento 841/2016 deste xulgado do social, seguido a instancia de María Herves Rivas contra Hortalizas e Legumes Otero, S.L., Fogasa sobre despedimento, se acordou citar Hortalizas e Legumes Otero, S.L., en paradoiro descoñecido, para que compareza na sala de vistas deste xulgado do social número 3, situado na rúa Berlín s/n, polígono das Fontiñas, 15707 Santiago de Compostela, o día 22.2.2017, ás 11.05 horas, co fin de realizar os actos de conciliación e, de ser o caso, xuízo, quen poderá comparecer persoalmente ou mediante persoa legalmente apoderada, e que deberá acudir con todos os medios de proba de que intente valerse. Advírtese de que é unha única convocatoria e que os ditos actos non se suspenderán pola falta inxustificada de asistencia.

Fáiselle saber que ten ao seu dispor, na oficina xudicial, a cédula de citación, a copia da demanda, o decreto da súa admisión e tamén as demais resolucións e documentos que figuran no procedemento.

Así mesmo, advírtese o destinatario de que as seguintes comunicacións se farán mediante a fixación dunha copia da resolución ou da cédula no taboleiro de anuncios da oficina xudicial, agás no suposto da comunicación das resolucións que deban revestir a forma de auto ou sentenza, ou cando se trate dun emprazamento.

No caso de que pretenda comparecer ao acto do xuízo asistida de avogado ou representada tecnicamente por graduado social colexiado, ou representada por procurador, deberá pór esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, unha vez trasladada tal intención á demandante, esta poida estar representada tecnicamente por graduado social colexiado, ou representada por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto do xuízo de avogado, procurador ou graduado social colexiado.

E para que lle sirva de citación a Hortalizas e Legumes Otero, S.L., así como para a súa publicación no Diario Oficial de Galicia e colocación no taboleiro de anuncios, expido o presente edicto.

Santiago de Compostela, 5 de xaneiro de 2017

A letrada da Administración de xustiza