De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puideron practicar faranse por medio de anuncio no Boletín Oficial del Estado (BOE), e a eficacia quedará supeditada a súa publicación no taboleiro de edictos único (TEU) do BOE.
Polo anterior, e sendo descoñecido o propietario do predio que se sinala no anexo, a continuación publícase este anuncio, que terá efectos a partir do día seguinte ao da súa publicación no BOE.
Sen prexuízo do anterior, e en virtude do disposto no artigo 44 da Lei 39/2015, do 1 de outubro, este anuncio publícase no Diario Oficial de Galicia.
Os interesados son informados de que o expediente correspondente á instalación eléctrica (expediente IN407A 2016/616-4) está á súa disposición durante un prazo de vinte (20) días nas dependencias da Xefatura Territorial da Consellería de Economía, Emprego e Industria en Pontevedra; rúa Fernández Ladreda, nº 43, 5ª planta (Servizo de Enerxía e Minas), das 9.00 ás 14.00 horas, de luns a venres.
Pontevedra, 28 de decembro de 2016
Ignacio Rial Santomé
Xefe territorial de Pontevedra
ANEXO
Enderezo |
Referencia catastral |
Concello |
Coto |
36050A050000980000PF |
Salvaterra de Miño |