A Presidencia da Xunta Electoral de Galicia, en cumprimento do Decreto 194/2017, do 10 de xaneiro, da Presidencia da Xunta de Galicia (DOG núm. 9, do 13 de xaneiro), procedeu ao nomeamento dos membros integrantes da Xunta Electoral de Galicia.

Deste xeito dáse contido ao disposto no artigo 15 da Lei autonómica 8/1985, do 13 de agosto, de eleccións ao Parlamento de Galicia, onde se establece que os nomeados por decreto, ao comezo de cada lexislatura, permanecerán no exercicio do seu mandato ata a toma de posesión da nova xunta electoral.

Na súa virtude e ao abeiro do disposto no artigo 18.6 da Lei orgánica 5/1985, do 19 de xuño, e en execución do acordo adoptado pola Xunta Electoral de Galicia na reunión do día de hoxe, esta Presidencia resolveu declarar:

O día 16 de xaneiro de 2017 constitúese a Xunta Electoral de Galicia cos seguintes membros:

Presidente: Miguel Ángel Cadenas Sobreira, presidente do Tribunal Superior de Xustiza de Galicia [artigo 14.1º a) da Lei 8/1985, do 13 de agosto].

Vicepresidente: José María Gómez y Díaz-Castroverde, maxistrado do Tribunal Superior de Xustiza de Galicia [artigo 14.1º b)].

Vogais: maxistrados do Tribunal Superior de Xustiza de Galicia [artigo 14.1º c)]:

Antonio García Amor.

Fernando Alañón Olmedo.

María Azucena Recio González.

Vogais: profesores en activo das facultades de Dereito de Santiago de Compostela, A Coruña e Vigo [artigo 14.1º d)]:

Ángel Gómez-Iglesias Casal.

Jesús Martínez Girón.

Santiago Antonio Roura Gómez.

Francisco Javier Sanjiao Otero.

Secretario: Xosé Antón Sarmiento Méndez, letrado maior do Parlamento (artigo 15.2).

O que se publica para xeral coñecemento.

A Coruña, 16 de xaneiro de 2017

Miguel Ángel Cadenas Sobreira
Presidente da Xunta Electoral de Galicia