De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás empresas relacionadas no anexo o acto que se indica, logo de que fose devolto polo servizo de Correos, porque, tentadas dúas veces as notificacións, estas non se puideron efectuar.
Segundo se establece no artigo 46 da citada lei, as interesadas dispoñen dun prazo de 10 días, contados a partir do seguinte ao da publicación deste anuncio no Boletín Oficial del Estado, para examinar estes actos na sede desta xefatura territorial, situada na rúa Fernández Ladreda, 43, 4º andar, Pontevedra, das 9.00 ás 14.00 horas, de luns a venres.
Os actos foron adoptados por quen se indica no anexo.
Transcorrido o devandito prazo sen efectuarse a comparecencia, a notificación entenderase producida desde o día seguinte ao da súa publicación no Boletín Oficial del Estado.
Pontevedra, 1 de decembro de 2016
Alberto Fuentes Losada
Xefe territorial de Pontevedra
ANEXO
Expediente |
Interesada |
Acto notificado |
Acto adoptado por |
PO-RES-2015/154 |
Granitos de Galicia, S.A. |
Resolución |
Xefe territorial |
PO-RES-2015/175 |
Inmobiliaria Portela Barro, S.L. |
Resolución |
Xefe territorial |