De conformidade co disposto no artigo 44.5 da Lei 39/2015, do 1 de outubro, do procedemento administrativo común das administracións públicas (BOE do 2 de outubro), as notificacións que non fose posible practicar faranse por medio dun anuncio no Boletín Oficial del Estado e a súa publicación no boletín oficial da Comunidade Autónoma é facultativa.
Polo anterior, e despois de tentada sen éxito a notificación persoal a través do servizo de Correos, notifícanse os interesados que constan no anexo polo presente anuncio, que terá efectos a partir do día seguinte á súa publicación no BOE.
Os interesados poderán comparecer, no prazo de 15 días contados desde o seguinte ao da publicación deste anuncio no BOE, nas dependencias do Servizo de Coordinación Industrial de Vigo da Xefatura Territorial de Pontevedra da Consellería de Economía, Emprego e Industria, situado na praza da Estrela, s/n, 36201 Vigo (Pontevedra), para o coñecemento íntegro e constancia do acto notificado. Transcorrido o devandito prazo sen efectuarse a comparecencia, a notificación entenderase producida.
Conforme o previsto no artigo 19.1 do Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto, as propostas de resolución dispoñen dun prazo de 15 días para que se formulen alegacións e se presenten os documentos e informes que se consideren oportunos.
Conforme o artigo 114 da Lei 39/2015, as resolucións notificadas son definitivas en vía administrativa, polo que cabe interpoñer, conforme o artigo 123 da LPACAP, recurso potestativo de reposición ante o xefe territorial de Pontevedra da Consellería de Economía, Emprego e Industria, dentro do prazo dun mes, a partir do día seguinte ao da súa notificación, ou ben directamente recurso contencioso-administratrivo na orde xurisdicional correspondente. Conforme o artigo 124 da LPACAP, transcorrido o prazo anterior, só se poderá interpoñer recurso contencioso-administrativo e a resolución será inmediatamente executiva, segundo o previsto no artigo 90.3 da LPACAP.
Vigo, 22 de decembro de 2016
Ignacio Rial Santomé
Xefe territorial de Pontevedra
ANEXO
Interesado (comercio) |
Expediente |
Acto |
Concello |
World Wide Trade Enterprise, S.L.U. |
PO-30/2016 |
Proposta de resolución |
Vigo |
Tienda Krack Outlet Tui |
PO 12/2016 |
Proposta de resolución |
Tui |
E-Moda Náutica España, S.L. |
PO 41/2016 |
Proposta de resolución |
Vigo |
E-Moda Náutica España, S.L. |
PO 49/2016 |
Proposta de resolución |
Sanxenxo |
Rks Footwear, S.L. |
PO 18/2016 |
Resolución |
Vigo |
Alejandro Costas Fernández |
PO 115/2016 |
Resolución |
Vigo |