1. Entidade adxudicadora:
a) Organismo: Consellería do Medio Rural.
b) Dependencia que tramita o expediente: Servizo de Contratación.
2. Obxecto do contrato:
a) Tipo: contrato administrativo de subministración.
b) Descrición do obxecto: subministración de reactivos de diagnóstico laboratorial de determinadas enfermidades animais.
c) División por lotes e número: si. Lote 1: kits de reactivos para o diagnóstico da paratuberculose en ruminantes por Elisa, lote 2: kits de reactivos para o diagnóstico da rinotraqueíte infecciosa bovina (IBR) por Elisa, lote 3: kits de reactivos para o diagnóstico da neosporose en ruminantes por Elisa, lote 4: kits de reactivos para o diagnóstico da diarrea vírica bovina e enfermidade de border dos pequenos ruminantes (BVD/BD) por Elisa, de detección de anticorpos e de antíxeno; lote 5: kits de reactivos para o diagnóstico da síndrome respiratoria e reprodutiva porcina (PRRS) por Elisa e lote 6: kits de reactivos Elisa para diagnóstico das encefalopatías esponxiformes transmisibles (EETS) en bovinos e pequenos ruminantes.
d) Prazo de execución: o prazo de execución do acordo marco é ata o 31 de decembro de 2018. A entrega do material realizarase no Laboratorio de Sanidade e Produción Animal de Galicia (avenida de Madrid, 77, Lugo).
e) Admisión de prórroga: si, por dúas anualidades máis.
f) CPV: 33696500-0 reactivos de laboratorio.
3. Tramitación e procedemento de adxudicación: ordinaria e anticipada de gasto; aberto e suxeito a regulación harmonizada.
Criterios de adxudicación: automáticos, recollidos no prego de cláusulas administrativas particulares.
4. Orzamento máximo de licitación:
Importe neto: 1.473.000 €; IVE (21 %): 309.330 €. Importe total: 1.782.330 € (a distribución por lotes especifícase no prego de cláusulas administrativas particulares).
Valor estimado: 3.535.200 € (incluídas posibles prórrogas e modificacións).
5. Financiamento: fondos propios.
6. Requisitos específicos do contratista:
Solvencia económica e financeira e solvencia técnica e profesional, segundo o disposto nas epígrafes I e J do cadro de características do prego de cláusulas administrativas particulares.
7. Garantías exixidas: definitiva, polos importes seguintes: lote 1: 9.600 €, lote 2: 12.000 €, lote 3: 12.000 €, lote 4: 30.000 €, lote 5: 800 € e lote 6: 9.250 €.
8. Obtención de documentación e información:
a) Entidade: Secretaría Xeral Técnica da Consellería do Medio Rural, Servizo de Contratación.
b) Enderezo: edificio posterior dereito nº 4, San Caetano, s/n, planta baixa, Santiago de Compostela.
c) Teléfonos: 981 54 57 37 e 881 99 93 88 (consultas administrativas); 982 88 96 27 e 981 54 57 33 (consultas técnicas).
d) Telefax: 981 54 40 47.
e) Enderezo de correo electrónico: licitacion.mediorural@xunta.gal
f) Data límite de obtención de documentos e información: ata o 23 de xaneiro de 2017, das 9.00 ás 14.00 horas.
Tamén se poderán obter os pregos relativos a esta contratación a través de internet no enderezo: http://www.contratosdegalicia.gal/resultado.jsp?N=81504
9. Presentación de ofertas:
a) Data límite de presentación: o 23 de xaneiro de 2017.
b) Documentación que deben presentar: a indicada no prego de cláusulas administrativas particulares. Exíxese a presentación de mostras, que se entregarán no Laboratorio de Sanidade e Produción Animal de Galicia –para garantir que non se rompe a cadea de frío–, dentro do prazo de presentación de ofertas.
c) Lugar de presentación: o único rexistro válido será a Oficina do Rexistro Único e Información da Xunta de Galicia (Edificio Administrativo San Caetano, s/n, Santiago de Compostela 15781), poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 40 47), ou ben ao enderezo de correo electrónico: licitacion.mediorural@xunta.gal
d) Prazo en que o licitador estará obrigado a manter a súa oferta: dous (2) meses contados desde a data de apertura das proposicións.
10. Apertura das ofertas:
a) Enderezo: sala de xuntas da Secretaría Xeral Técnica da Consellería do Medio Rural.
b) Localidade e código postal: Santiago de Compostela 15781.
c) Datas e horas: a apertura dos sobres B terá lugar en acto público, ás 12.00 horas do 3 de febreiro de 2017.
11. Gastos de publicidade: o importe dos anuncios no BOE e DOG será por conta do/s adxudicatario/s.
12. Data de envío do anuncio ao DOUE: 15 de decembro de 2016.
Santiago de Compostela, 15 de decembro de 2016
A conselleira do Medio Rural
P.D. (Orde do 17.11.2015; DOG núm. 223, do 23 de novembro)
Mª del Carmen Bouso Montero
Secretaria xeral técnica da Consellería do Medio Rural