Mª Elena Candia López, alcaldesa do Concello de Mondoñedo, no exercicio das competencias que lle atribúe o artigo 21.1 da Lei 7/1985, do 2 de abril, expón:
Con data do 25 de novembro de 2016, o Pleno da Corporación acordou aprobar o expediente de alleamento, en poxa pública, das seguintes parcelas:
|
Denominación |
Ref. catastral |
Núm. predio Rexistro da Propiedade |
Valor taxación |
|
Parcela S-1 |
3518103PJ3131N0001FH |
24876 |
26.308,26 € |
|
Parcela S-26 |
3518125PJ3131N0001BH |
24901 |
30.591,00 € |
|
Parcela S-27 |
3518126PJ3131N0001YH |
24902 |
27.225,99 € |
|
Parcela S-28 |
3518127PJ3131N0001GH |
24903 |
28.922,40 € |
As ditas parcelas, S-1, S-26, S-27 e S-28, están situadas dentro da ordenanza de solo industrial do parque empresarial de Mondoñedo e réxense polas seguintes condicións de edificación:
|
Tipoloxía: |
Acaroada (entre medianeiras, agrupada e pareada) ou illada |
|
Superficie mínima de parcela: |
400 m2 |
|
Fronte mínima de parcela: |
10 m |
|
Altura máxima de edificación: |
9 m |
|
Altura máxima de planta: |
A definida segundo o número 1.2 |
|
Altura mínima libre de planta: |
3 m |
|
Número de plantas: |
2 |
|
Recuamentos mínimos a aliñacións: |
Os establecidos no plano de aliñacións e implantación |
|
Recuamentos mínimos a lindes: |
Permítese edificar acaroado, no caso de que non se chegue coa edificación ao linde, o recuamento mínimo será de 3 m |
|
Ocupación máxima de parcela: |
A establecida polos propios recuamentos da parcela |
|
Edificabilidade: |
1 m2/m2 |
Condicións especiais do contrato de compravenda:
A compravenda está suxeita á condición resolutoria de que, no prazo máximo de tres anos desde a data de formalización da compravenda, o adxudicatario ou o seu causante desenvolva de xeito efectivo unha actividade económica sobre a parcela, logo do outorgamento de licenza urbanística ou comunicación previa. A dita actividade deberá manterse, polo menos, durante catro anos.
Presentación de ofertas:
Os licitadores só poderán presentar unha proposición no Rexistro Xeral do Concello, das 10.00 ás 14.00 horas, durante o prazo de quince días naturais, contados desde o seguinte ao da data da última publicación do anuncio da licitación no Boletín Oficial da provincia ou no Diario Oficial de Galicia.
Requisitos para a presentación de ofertas:
As ofertas presentaranse en sobre pechado, nos termos e condicións establecidos no prego de condicións administrativas.
As ofertas deberán expresar o prezo ofertado sen IVE de cada unha das parcelas polas que poxe o oferente.
Criterios de adxudicación:
Establécese como único criterio de adxudicación o maior prezo ofertado.
Os pregos de licitación son os establecidos para cada parcela no recadro primeiro do presente anuncio.
Obtención de información:
Para obter información sobre o proceso ou obter copia dos pregos de condicións administrativas poderán dirixirse ao Concello de Mondoñedo, situado na praza do Concello número 1, 27740 Mondoñedo (Lugo). Teléfono: 982 52 40 03, correo electrónico: concellomondonedo@gmail.com
Mondoñedo, 12 de decembro de 2016
Mª Elena Candia López
Alcaldesa
