Advertidos erros na resolución antes citada, publicada no Diario Oficial de Galicia núm. 183, do 26 de setembro de 2016, cómpre efectuar as seguintes correccións:
Na páxina 44063, no sumario, onde di: «RESOLUCIÓN do 20 de setembro de 2016 pola que se aproba a convocatoria de consultas preliminares do mercado para proxectos de innovación tecnolóxica no sector primario.», debe dicir: «RESOLUCIÓN do 20 de setembro de 2016, da Axencia para a Modernización Tecnolóxica de Galicia, pola que se aproba a convocatoria de consultas preliminares do mercado para proxectos de innovación tecnolóxica no sector primario (Primare-Inspeccións intelixentes avanzadas) cofinanciado nun 80 % con fondos Feder do programa operativo crecemento intelixente 2014-2020 (POCInt)».
Entre as páxinas 44063 e 44064, na parte expositiva, inclúese un novo parágrafo (o quinto) a seguir dos xa existentes: «O día 18 de xullo de 2016, a Axencia para a Modernización Tecnolóxica de Galicia (Amtega), asinou, coa Axencia Galega de Innovación e co Ministerio de Economía e Competitividade, un convenio de colaboración para o desenvolvemento do proxecto “Civil UAVs Initiative”. Este proxecto de innovación finánciase nun 80% con fondos Feder correspondentes ao período 2014-2020, do programa operativo crecemento intelixente 2014-2020 (POCInt). Na execución deste convenio, a Xunta de Galicia comprometeuse a realizar actuacións administrativas de fomento da innovación, potenciando novos mercados innovadores desde o lado da demanda, a través do emprego da contratación pública de innovación, como instrumento de política de innovación cuxo obxectivo final é dinamizar a innovación e a internacionalización mediante a articulación e o fortalecemento da demanda tecnolóxica a través da combinación de actuacións de fomento á I+D con actuacións de contratación pública de bens e/ou servizos.».
Na páxina 44070, no anexo, onde di: «Solucións innovadoras para o desenvolvemento do sector primario (proxecto Primare-Inspeccións intelixentes avanzadas, incluído no convenio co Ministerio de Economía e Competitividade Civil UAVs Initiative.», debe dicir: «Solucións innovadoras para o desenvolvemento do sector primario (Proxecto Primare-Inspeccións intelixentes avanzadas, incluído no convenio co Ministerio de Economía e Competitividade “Civil UAVs Initiative”).».