Antecedentes.
Con data do 16 de setembro de 2016, o Servizo Provincial de Conservación da Natureza da Coruña propón a veda das augas do encoro de Vilagudín.
De conformidade con todo o anterior, o 23 de setembro de 2016 publicouse a Resolución do 16 de setembro de 2016, da Dirección Xeral de Conservación da Natureza, pola que se veda a pesca nas augas encoradas do encoro de Vilagudín.
Realizados o estudo epidemiolóxico e as análises físicas e químicas necesarias das augas do encoro, determinouse o bo estado ecolóxico do medio afectado e da fauna ictícola.
Consideracións legais.
Esta dirección xeral é competente para a adopción de medidas excepcionais de conformidade co disposto no artigo 9 da Lei 7/1992, do 24 de xullo, de pesca fluvial, e no artigo 48 do Regulamento de ordenación da pesca fluvial e dos ecosistemas acuáticos continentais (Decreto 130/1997, do 14 de maio).
Resolución.
De conformidade con todo o anterior, resolvo deixar sen efecto a veda da pesca nas augas do encoro de Vilagudín.
Santiago de Compostela, 14 de decembro de 2016
Ana María Díaz López
Directora xeral de Conservación da Natureza