Por Resolución do 2 de decembro de 2016, acórdase o desistimento do procedemento de licitación para o contrato de expedición dos títulos oficiais e dos suplementos europeos ao título (SET) dos alumnos da USC, conforme ao establecido no artigo 155 do Real decreto legislativo 3/2011, do 14 de novembro, polo que se aproba o texto refundido da Lei de contratos do sector público.
As razóns, de interese público, recóllense na mencionada resolución, publicada o día 12 de decembro de 2016 no perfil do contratante da USC www.usc.es/contratación .
O anuncio de licitación publicouse no Diario Oficial de Galicia núm. 26, do 9 de febrero de 2016, e modificouse o 21 de xuño, o 20 de julio e o 22 de setembro de 2016.
Santiago de Compostela, 12 de decembro de 2016
O reitor da Universidade de Compostela
P.D. (Resolución do 22.9.2015; DOG do 5 de outubro)
José Manuel Villanueva Prieto
Xerente da Universidade de Santiago de Compostela