En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial de Lugo da Consellería do Medio Rural autorizou, mediante a Resolución do 29 de novembro de 2016, o cambio de actividade de forestal a agrícola nas parcelas 69 e 72 do polígono 39 do termo municipal de Baralla (Lugo).

O proxecto foi sometido previamente a avaliación ambiental simplificada e o informe de impacto ambiental foi formulado con data do 26 de outubro de 2016. O anuncio foi publicado no DOG núm. 227, do 28 de novembro.

Lugo, 30 de novembro de 2016

José Ramón Losada Fernández
Xefe territorial de Lugo