Visto o expediente para outorgamento de autorización administrativa previa e de construción da instalación eléctrica que a seguir se describe:
Solicitante: Casa Roke, S.C.
Domicilio social: Ligonde, 26, Monterroso.
Denominación: modificado LMTA, CTI e RBTA para granxa en Ligonde.
Situación: concello de Monterroso.
Características técnicas:
1. Liña de media tensión aérea a 20 kV con orixe nun apoio existente tipo HV-15-630 da LMT PAL 803 Guntín 3 e final no CTI granxa agrícola (proxectado), cunha lonxitude de 66 metros en condutor tipo LA-56.
2. Centro de transformación intemperie sobre apoio de formigón, cunha potencia proxectada de 100 kVA, unha potencia inicial de 50 kVA e unha relación de transformación de 20.000/400-230 V.
3. Rede de baixa tensión aérea con orixe no CT proxectado en condutor tipo RZ-50, cunha lonxitude de 110 metros tensados sobre apoios de formigón.
Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II, do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), esta xefatura territorial, de acordo coas competencias que resultan dos decretos 129/2015, do 8 de outubro (DOG núm. 194, do 9 de outubro) e 175/2015, do 3 de decembro (DOG núm. 232, do 4 de decembro) polos que se crea e establece a estrutura orgánica da consellería, e tendo en conta o Decreto 36/2001, sobre órganos competentes para autorización de instalacións eléctricas na Comunidade Autónoma de Galicia, resolve:
Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución cabe interpor recurso de alzada ante o conselleiro de Economía, Emprego e Industria no prazo dun mes, a partir do día seguinte ao da notificación ou publicación desta resolución; tamén poderá interpoñer calquera outro recurso que xulgue pertinente ao seu dereito.
Lugo, 21 de novembro de 2016
Pilar Fernández López
Xefa territorial de Lugo