María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que por resolución ditada no día da data, no proceso seguido por instancia de Ana María Fernández Ruanova contra Carboeiro Elba S.L., Parada de Francos, S.L. e Fondo de Garantia Salarial (Fogasa), en reclamación por despedimento, rexistrado co número despedimentos/cesamentos en xeral 643/2016, se acordou, en cumprimento do que dispón o artigo 59 da Lei reguladora da xurisdición social, citar a Carboeiro Elba, S.L. (nome comercial de Restaurante Carboeiro), en ignorado paradoiro, co fin de que compareza o día 11 de xaneiro de 2017, ás 12.10 horas, na planta baixa, sala 3, Edificio rúa Berlín, para a celebración dos actos de conciliación, e de ser o caso, xuízo. Podera comparecer persoalmente ou mediante persoa legalmente apoderada, e que deberá acudir con todos os medios de proba de que tente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

No caso de que pretenda comparecer ao acto do xuízo asistida de avogado ou representada tecnicamente por graduado social colexiado, ou representada por procurador, poñerá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, con obxecto de que, trasladada tal intención á demandante, poida esta estar representada tecnicamente por graduado social colexiado ou representada por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

Para que sirva de citación a Carboeiro Elba, S.L., expídese a presente cédula para a súa publicación no Diario Oficial de Galicia e colocación no taboleiro de anuncios.

Santiago de Compostela, 30 de novembro de 2016

A letrada da Administración de xustiza