A Lei 3/2004, do 7 de xuño (DOG núm. 116, do 17 de xuño), crea o Instituto Tecnolóxico para o Control do Medio Mariño de Galicia (Intecmar) como un ente de dereito público con personalidade xurídica propia e patrimonio propio, e con plena capacidade e autonomía para o cumprimento dos seus fins, adscrito á Consellería do Mar; o seu regulamento foi aprobado polo Decreto 41/2005, do 17 de febreiro (DOG núm. 49, do 11 de marzo).

Os artigos 7 da Lei 3/2004, do 7 de xuño, e 4 do Decreto 41/2005, do 17 de febreiro, regulan a composición do Consello de Administración do Instituto e establecen que o vogal representante do persoal do Intecmar será nomeado polo Consello de Administración deste, por proposta do órgano ou órganos que representan o persoal do Intecmar.

En consecuencia,

DISPOÑO:

Por proposta das delegadas de persoal do Intecmar, o cesamento de Eva Moreira Fontán, como vogal do Consello de Administración do Intecmar, en representación do persoal do Instituto.

Vilaxoán, 28 de novembro de 2016

Rosa Mª Quintana Carballo
Presidenta do Consello de Administración do Instituto Tecnolóxico para o Control do Medio Mariño de Galicia