A Dirección Xeral da Función Pública recibiu un oficio da Sala do Contencioso-Administrativo do Tribunal Superior de Xustiza de Galicia polo que solicita o expediente do recurso contencioso-administrativo P.O. 263/2016, interposto por Eligio Vieites Castro e outros contra o Acordo do Consello da Xunta de Galicia do 14 de xullo de 2016 polo que se aproba a relación de postos de traballo da Axencia Galega das Industrias Culturais (Agadic).

En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos da Sala do Contencioso-Administrativo do Tribunal Superior de Xustiza de Galicia no prazo de nove días, contados desde o seguinte ao da publicación desta resolución no Diario Oficial de Galicia.

Santiago de Compostela, 29 de novembro de 2016

José María Barreiro Díaz
Director xeral da Función Pública