A Xunta de Goberno Local, de conformidade coa proposta, por unanimidade dos asistentes (9 votos a favor), acordou:
Primeiro. Darse por sabida da aprobación definitiva, mediante Acordo do 27 de outubro de 2016, adoptado pola Comisión de Seguimento e Coordenación do Acordo de Adhesión ao Programa de vivendas baleiras do Plan galego de rehabilitación, alugamento e mellora do acceso á vivenda 2015-2020 (Plan RehaVita), das bases reguladoras deste no Concello de Ourense, segundo a redacción refundida incorporada á acta da dita sesión e remitida polo IGVS.
Segundo. Ordenar a publicación do presente acordo no Diario Oficial de Galicia, no taboleiro de anuncios municipal, no Boletín Oficial da provincia de Ourense e na sede electrónica municipal, nestes dous últimos casos acompañada do texto íntegro das bases para a súa entrada en vigor e, consecuentemente, o inicio do desenvolvemento do programa citado.
Ourense, 29 de novembro de 2016
Jesús Vázquez Abad
Alcalde