De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícaselle a Miguel Ángel Pedre Díaz, con DNI 34883637, como propietario do vehículo-camión marca Iveco, con matrícula 2024CWM, o seguinte requirimento por non ser posible a notificación a través do servizo de Correos.
Segundo a Acta do 18 de maio de 2015, levantada polo celador gardapeiraos responsable do porto do Burela, á cal se xuntan fotografías, na zona portuaria de Burela atópase estacionado desde hai seis meses en estado de abandono o vehículo antes citado.
Considerando o exposto, e xa que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese a titular para que nun prazo máximo dun mes, contado desde a publicación desta cédula no Boletín Oficial del Estado, proceda a retirar o vehículo da zona de servizo do porto de Burela.
No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo e procederá, en consecuencia, ao seu traslado a centro autorizado de tratamento de vehículos para a súa posterior destrución e descontaminación.
O anterior enténdese sen prexuízo das sancións administrativas que procedan en dereito.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
Santiago de Compostela, 23 de novembro de 2016
José Ignacio Villar García
Director de Portos de Galicia
