En sesión que tivo lugar o día 23 de novembro de 2016, o tribunal nomeado por Resolución do 13 de outubro de 2016 (DOG núm. 201, do 21 de outubro) para a selección dunha praza de titulado/a superior para a Unidade de Desenvolvemento e Innovación Sanitaria, á vista das alegacións presentadas ás listaxes provisionais de admitidos e excluídos publicadas na páxina web da Axencia Galega para a Xestión do Coñecemento en Saúde (www.acis.sergas.es) e no taboeiro de anuncios da mesma no 10 de novembro de 2016,
ACORDOU:
Aprobar e facer públicas as listaxes definitivas de aspirantes admitidos/as e excluídos coas puntuacións provisionais de méritos dos aspirantes admitidos. A dita listaxe publicarase na páxina web da Axencia Galega para a Xestión do Coñecemento en Saúde (www.acis.sergas.es) e no taboleiro de anuncios desta.
De acordo co disposto na base 6.2. da convocatoria, os/as aspirantes admitidos disporán dun prazo de cinco (5) días hábiles, contados a partir do día seguinte ao da publicación desta resolución no Diario Oficial de Galicia, para facer as alegacións que consideren oportunas con respecto á valoración provisional de méritos.
Santiago de Compostela, 23 de novembro de 2016
Luis Ángel León Mateos
Presidente do tribunal