Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento ordinario 873/2013 deste xulgado do social, seguido por instancia de José Manuel Muíño García contra Escayolas Gasamáns, S.L. sobre ordinario, se ditou a seguinte resolución:

«Parte dispositiva.

Acordo:

– Admitir a trámite a demanda presentada e, en consecuencia:

– Citar as partes, para que comparezan o día 18 de xaneiro de 2017 ás 10.05 horas en planta baixa, sala 1, edificio rúa Berlín, para a celebración do acto de conciliación ante a letrada da Administración de Xustiza e, unha vez intentada, e en caso de non se alcanzar a avinza, o día 18 de xaneiro de 2017 ás 10.10 horas en planta baixa, sala 1, edificio rúa Berlín, para a celebración do acto de xuízo ante o/a maxistrado/a.

Dado que a entidade demandada Escayolas Gasamáns, S.L., non recolleu as notificacións no domicilio que consta en autos, indáguese o novo domicilio e se a devandita entidade está en concurso, a través da aplicación informática deste xulgado, uníndose a devandita información aos presentes autos.

– Advírtese á parte demandante, que en caso de non comparecer á sinalización sen alegar xusta causa que motive a suspensión dos actos de conciliación e xuízo, teráselle por desistida da súa demanda; advertíndolle igualmente á parte demandada que a súa non comparecencia aos referidos actos non impedirá a súa celebración, continuando estes sen necesidade de declarar a súa rebeldía.

– Respecto aos outrosís solicitados para os efectos previstos no artigo 81.4 da LXS, paso dar conta ao xuíz.

Ao outrosí, tense por anunciado o propósito de comparecer asistido/a representado/a de avogado/a ou graduado social para os efectos do artigo 21.2 da LXS e por designado domicilio para os efectos de comunicacións, artigo 53 da LXS.

– Antes da notificación desta resolución ás partes paso a dar conta a SSª do sinalamento efectuado.

Notifíquese ás partes e fágaselles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos. Será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.

Modo de impugnación: mediante recurso de reposición para interpoñer ante quen dita esta resolución, no prazo de tres días hábiles seguintes á súa notificación con expresión da infracción que a xuízo do recorrente contén esta, sen que a interposición do recurso teña efectos suspensivos con respecto á resolución impugnada.

A letrada da Administración de xustiza».

E para que sirva de notificación y citación en legal forma a Escayolas Gasamáns, S.L., en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 2 de novembro de 2016

A letrada da Administración de xustiza