Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fai saber que no procedemento ordinario 414/2013 deste xulgado do social, seguido por instancia de José Peña Hernández contra Fogasa, Level Telecom, S.L. sobre ordinario, se ditou sentenza o 28 de outubro de 2016, cuxa decisión é do teor literal seguinte:
«Decido.
Que debo estimar a demanda presentada por instancia de José Peña Hernández, contra a entidade Level Telecom, S.L. e Fogasa e debo condenar a demandada ao aboamento á demandante da cantidade de 1.972,24 euros como cantidades debidas, máis os xuros previstos no artigo 29.3 do ET sobre a dita cantidade, devindicados desde a data de presentación da papeleta de conciliación (STS 17.6.2014) ata a presente resolución e os do artigo 576 da LAC a partir da presente resolución.
Debo absolver e absolvo o Fogasa sen prexuízo da súa responsabilidade subsidiaria nos casos previstos no artigo 33 do Estatuto dos traballadores.
Notifíqueselles ás partes a presente resolución e fágaselles saber que fronte a ela non cabe interpoñer recurso de suplicación.
A anterior resolución entregaráselle ao letrado da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.
Por esta miña sentenza, xulgando definitivamente na primeira instancia, pronúncioo, mándoo e asínoo».
Para que sirva de notificación en legal forma a Level Telecom, S.L., en ignorado paradoiro, expido este edicto para a súa publicación no Diario Oficial de Galicia e no taboleiro de anuncios deste órgano xudicial.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 3 de novembro de 2016
A letrada da Administración de xustiza