De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, segundo a cal esta notificación ten que ser feita no BOE e a súa data de publicación será a que determina a eficacia do acto notificado, logo de ser intentada sen éxito a notificación a José Manuel Rodríguez Sanjurjo (NIF ****2456S) nos intentos efectuados no seu enderezo, comunicámoslle que o 26 de setembro de 2016 se resolveu declarar a aceptación da renuncia á axuda PAC para a campaña 2016 que corresponde ao expediente 27/510045.
Contra a resolución do expediente de referencia, que pon fin á vía administrativa, o interesado poderá interpor recurso potestativo de reposición ante a Consellería do Medio Rural no prazo dun mes, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente formular recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, de acordo cos artigos 10 e 46 da Lei 29/1998, do 13 de xullo, reguladora da xurisdición contencioso-administrativa; contados ambos a partir do día seguinte ao da notificación da resolución, sen prexuízo de que poida exercer calquera outro recurso que considere pertinente.
O expediente atópase, en todo caso, á disposición do interesado no Fondo Galego de Garantía Agraria (Fogga), rúa dos Irmandiños, s/n, Salgueiriños, 15781 Santiago de Compostela, das 9.00 ás 14.00 horas, de luns a venres.
O presente anuncio remitirase, así mesmo, ao concello correspondente ao último enderezo coñecido do interesado, en aplicación do artigo 44 da Lei 39/2015, co obxecto de que proceda á súa publicación por medio dun anuncio no taboleiro de edictos.
Santiago de Compostela, 7 de novembro de 2016
Belén María do Campo Piñeiro
Directora do Fondo Galego de Garantía Agraria
ANEXO
Expediente: 27/510045.
Interesado: José Manuel Rodríguez Sanjurjo.
Acto de notificación: resolución de aceptación da renuncia á axuda da PAC para a campaña 2016.
Último enderezo coñecido: rúa Padilla, núm. 3, 4º esquerda, 33205 Xixón (Asturias).
