Mediante resolución conxunta do 1 de xuño de 2016 (DOG nº 125, do luns 4 de xullo) convocáronse os premios aos proxectos de innovación educativa sobre consumo responsable Galicons-net.
Vista a proposta efectuada polo xurado mencionado no artigo 11 da citada resolución, relativa á selección dos traballos presentados segundo os criterios previstos no artigo 12, procede a súa publicación de conformidade con esta. Na súa virtude,
RESOLVEMOS:
Declarar gañador do premio na categoría A (alumnado de segundo ciclo de educación infantil e de educación primaria), dotado coa contía de 1.500 euros, o proxecto Consum-Illas: Con- vivo+, realizado polo Colexio de Educación Infantil e Primaria Illas Cíes de Vigo.
Facendo uso da posibilidade prevista no artigo 11.4 da convocatoria, declarar desertos os premios para as categorías B (alumnado de educación secundaria obrigatoria) e C (alumnado de bacharelato, de ciclos formativos de grao medio de formación profesional e de educación de persoas adultas) ao non presentarse ningún proxecto nestas dúas categorías.
Santiago de Compostela, 24 de outubro de 2016
Sol María Vázquez Abeal |
Román Rodríguez González |