O Pleno do Concello de Betanzos, en sesión do 28 de xuño de 2016, adoptou, entre outros, o seguinte acordo:
«Primeiro. Aprobar definitivamente o estudo de detalle da parcela número 19-2 da U.E.-3 do Plan parcial SAUI-7, no polígono industrial de Piadela, de acordo co novo proxecto presentado con data do 18 de novembro de 2015 e redactado polo arquitecto Jorge Zapata Súarez.
Segundo. Comunicar o acordo de aprobación definitiva do estudo de detalle á Consellería de Medio Ambiente e Ordenación do Territorio, xunto con dous exemplares do estudo de detalle aprobado definitivamente, debidamente dilixenciados por secretaría.
Terceiro. Publicar no Diario Oficial de Galicia o correpondente anuncio da aprobación definitiva do estudo de detalle, facendo constar a súa remisión á Consellería de Medio Ambiente e Ordenación do Territorio, e os recursos que caben contra o citado acto de aprobación definitiva.
Cuarto. Publicar o texto dos documentos que o integran, así como o índice de planos do estudo de detalle, no Boletín Oficial da provincia, co fin de que entre en vigor o dito instrumento de planeamento.
Quinto. Notificar o presente acordo aos propietarios e demais interesados directamente afectados polo estudo de detalle, e facultar o alcalde presidente para a sinatura dos documentos relacionados con este asunto...».
Faise constar no presente anuncio que, con data do 2 de setembro de 2016, se remitiu á Consellería de Medio Ambiente e Ordenación do Territorio copia autentificada de dous exemplares do instrumento aprobado definitivamente con todos os planos e documentos que o integran sobre os cales se ditou a presente aprobación definitiva, debidamente dilixenciados.
Recursos. Contra o contido do mencionado acordo, que pon fin á vía administrativa, poderase interpoñer de maneira potestativa recurso de reposición ante o mesmo órgano que o ditou e no prazo dun mes contado desde o día seguinte ao da recepción da presente notificación. O recurso de reposición entenderase desestimado se no prazo dun mes, contado desde o día seguinte ao da interposición, o órgano competente para resolvelo non ditase e notificase resolución expresa.
Contra a resolución expresa do recurso de reposición, ou ben directamente (sen recurso administrativo), poderase interpoñer recurso contencioso-administrativo, ante o xulgado do contencioso-administrativo, no prazo de dous meses, prazo que será de seis meses no caso de non resolverse de maneira expresa o recurso de reposición, contados a partir do día seguinte a aquel en que deba entenderse presuntamente desestimado o recurso de reposición interposto. Todo iso de conformidade co disposto no artigo 52 da Lei 7/1985, reguladora das bases do réxime local, nos artigos 116 e 117 da Lei 30/1992, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, reguladora da xurisdición contencioso-administrativa.
Advírtese tamén que se poderá utilizar calquera outro recurso que se considere pertinente, así como exercer as accións que procedan ante a xurisdición competente.
Betanzos, 2 de setembro de 2016
José Ramón García Vázquez
Alcalde presidente